सुर्खेतबाटै सवारी लाइसेन्स वितरण गर्न अनलाइन आवेदन खुला
<p>सुर्खेत। यातायात व्यवस्था विभागले सुर्खेतबाटै सवारी चालक अनुमतिपत्र (लाइसेन्स) वितरण गर्न प्रदेश सरकारअन्र्तगतको यातायात व्यवस्था कार्यालयलाई अनुमति दिएको छ।</p>
<p>विभागबाट अनुमति पाएसँगै कार्यालयले ५ माघदेखि अनलाइन आवेदन खुला गरेको छ ।</p>
<p>यसअघि सवारी चालक अनुमतिपत्र लिन कर्णाली प्रदेशबाट प्रदेश ५ को नेपालगञ्जस्थित यातायात व्यवस्था कार्यालय जानुपर्ने बाध्यता थियो।</p>
<p>प्रदेश सरकार गठन भएको झण्डै दुई वर्षपछि सुर्खेतबाट नै सवारी चालक अनुमति पत्र वितरण गर्न थालिएको हो।</p>
<p>सुर्खेतबाटै लाइसेन्स वितरण हुने भएपछि कर्णालीवासी उत्साही बनेका छन्।</p>
<p>यातायात व्यवस्था कार्यालय सुर्खेतका प्रमुख आनन्द चपाईले मन्त्रालयले सवारी चालक अनुमतिपत्र वितरण गर्न प्राविधिकतर्फका कर्मचारी छनोट गरिएको बताए। <em>रासस</em></p>
प्रतिक्रिया दिनुहोस्
.jpg)
