हिमपहिरोमा हराएका पदयात्री भेट्न कठिन
<p style="text-align:justify">पोखरा। अन्नपूर्ण आधारशिविर (एबीसी) पदमार्गमा आएको हिमपहिरोमा परेर हराएका विदेशी पर्यटक र उनीहरूका नेपाली गाइडको खोजीमा कठिनाइ भएको छ।</p>
<p style="text-align:justify">हिमपहिरोमा हराएका पर्यटक र सहयोगी तत्काल फेला पार्न सकिने अवस्था नरहेको पदयात्रा व्यवसायीले बताएका छन्।</p>
<p style="text-align:justify">त्यस क्षेत्रमा हिउँ पर्ने क्रम नरोकिएको र ठूलो पहिरोले पुरिएका कारण तत्काल भेट्न कठिन रहेको पर्यटन व्यवसायीले बताए।</p>
<p style="text-align:justify">हिमपहिरो आएपछि खोजतलास र उद्धारका लागि ट्रेकिङ एजेन्सिज एसोसियसन अफ नेपाल (टान) ले सदस्य विजय केसीको नेतृत्वमा सातजना खोजीकर्ता पठाएको थियो।</p>
<p style="text-align:justify">ती खोजीकर्ताका अनुसार पहिरो झरेको ठाउँमा चट्टानजस्तै हिउँ जमेको र ६/७ फिटसम्म हिउँ थुप्रिएकाले हराएका व्यक्ति तत्काल फेला पार्न सकिने अवस्था छैन।</p>
<p style="text-align:justify">३ माघको हिमपहिरोमा चारजना कोरियाली र तीनजना नेपाली गाइड सातजना हराएका छन्।</p>
<p style="text-align:justify">नेपाली गाइडहरूमा सरोज परियार, मिनबहादुर लामा र छिरिङ भोटे रहेको टानले जनाएको छ।</p>
<p style="text-align:justify">खोजीमा खटिएका टानका सदस्य विजय केसीका अनुसार हिमपात जारी रहेको बाक्लो हिउँका कारण पहिरोस्थल पुग्नै कठिन छ।</p>
<p style="text-align:justify">कठिन साथ पहिरोस्थल पुगे पनि खोजतलास सहज नभएको उनले बताए।</p>
<p style="text-align:justify">स्थानीय र टानका खोजीकर्ता मात्र अहिलेसम्म त्यहाँ पुगे पनि खोजी सम्भव नभएपछि टानको टोली पोखरा फर्किएको आजको नागरिक दैनिकमा समाचार छ।</p>
.jpg)
