राष्ट्रिय सभा निर्वाचन अवधिमा मदिरा विक्री/वितरणमा रोक
<p>धनुषा। राष्ट्रिय सभा निर्वाचनलाई लक्षित गरी धनुषामा मदिरा विक्री/वितरणमा रोक लगाइएको छ। </p>
<p>८ माघ बिहान सात बजेदेखि ९ माघ राति १२ बजेसम्म मदिरा विक्री/वितरणमा रोक लगाइएको जिल्ला प्रशासन कार्यालय धनुषाले जनाएको छ।</p>
<p>मतदान हुने महेन्द्र नारायण निधी मिथिला साँस्कृतिक केन्द्र जनकपुरधामको पूर्वपश्चिम र उत्तरदक्षिण पाँच मिटरभित्र मदिरा विक्री/वितरण, सेवन गर्न नपाइनेगरी स्थानीय प्रशासन ऐन, २०२८ को दफा ३ ३(क) अनुसार निषेध गरिएको आज जारी सूचनामा उल्लेख छ।</p>
<p>धनुषाका प्रमुख जिल्ला अधिकारी प्रदीपराज कँणेलले राष्ट्रिय सभा सदस्य निर्वाचन लक्षित गरि मदिरा विक्री/वितरणमा रोक लगाएको सूचना जारी गरिएको <em>देखापढी</em>लाई बताए। </p>
<p>निषेधित क्षेत्रमा मदिरा विक्री/वितरण र सेवन गरेको पाइए कानूनी कारबाही गरिने प्रजिअ कँणेलले बताए।</p>
प्रतिक्रिया दिनुहोस्
.jpg)
