एनभीए कपः एपीएफ र त्रिभुवन आर्मी क्लब सेमिफाइनलमा
<p>काठमाडौं। सशस्त्र प्रहरी बलको (एपीएफ) क्लब र त्रिभुवन आर्मी क्लबले एनभीए राष्ट्रिय क्लब महिला तथा पुरुष भलिबल च्याम्पियनसिपको अन्तिम चारमा स्थान बनाएका छन्।</p>
<p>त्रिपुरेश्वरस्थित राष्ट्रिय खेलकुद परिषद्(राखेप)को कभर्ड हलमा एपीएफले भरतपुर मेट्रो खेलकुदलाई ३–० को सोझो सेटमा हराउँदा त्रिभुवन आर्मीले पनि जावालाखेल भलिबल तालिम केन्द्रलाई ३–० कै सोझो सेटमा हरायाे।</p>
<p>महिलातर्फ आजको पहिलो खेलमा एपीएफले भरतपुर मेट्रोलाई २५–११, २५–१२, २५–१० को सेटमा हराएको हो। त्रिभुवन आर्मीले भने जावलाखेल भलिबल तालिम केन्द्रलाई २५–११, २५–५, २५–१३ को सेटमा हराएको हो।</p>
<p>जितसँगै महिलातर्फ समूह ‘ए’मा लगातार दोस्रो जित निकालेका एपीएफ र त्रिभुवन आर्मीको समान ६ अंक भएको छ। एपीएफले पहिलो खेलमा पनि जावलाखेल भलिबल तालिम केन्द्रलाई ३–० को सोझो सेटमा हराएको थियो भने त्रिभुवन आर्मीले भरतपुर मेट्रो भलिबलाई ३–० कै सोझो सेटमा हराएको थियो।</p>
<p>प्रतियोगितामा महिलातर्फ दुई समूह छन्। दुई समूहबाट शीर्ष दुई टोलीले सेमिफाइनलमा स्थान बनाउनेछन्। ७ माघमा हुने त्रिभुवन आर्मी र एपीएफबीचको नतिजाले समूह विजेता र उपविजेताको टुंगो लगाउनेछ।</p>
प्रतिक्रिया दिनुहोस्
.jpg)
