सुदूरपश्चिममा आत्महत्या गर्ने बढे
<p>कैलाली। सुदूरपश्चिम प्रदेशमा आत्महत्या गर्नेको संख्या बढ्दो छ।</p>
<p>सुदुरपश्चिम प्रदेश प्रहरी कार्यालय दीपायलका अनुसार आर्थिक बर्ष २०७३/७४ मा सुदूरपश्चिम प्रदेश भरी ४३२ जनाले आत्महत्या गरेका छन्।</p>
<p>त्यस्तै २०७४/७५ मा ४९९ र २०७५/७६ मा ५०३ जनाले आत्महत्या गरेका छन्। </p>
<p>चालु आर्थिक बर्षको ६ महीनामा २०८ जनाले आत्महत्या गरेको तथ्यांक छ।</p>
<p>आत्महत्या गर्नेमा सुदूरपश्चिमका ९ जिल्लामध्ये कैलालीमा बढी छन्। कैलालीमा छ महीनामा ८७ जनाले आत्महत्या गरेका छन्।</p>
<p>कञ्चनपुरमा ६६, बझाङमा १४, अछाममा ६, डडेल्धुरामा ५, डोटीमा १ जना साथै बैतडी र अछाममा ९/९ जनाले आत्महत्या गरेको प्रहरीले जनाएको छ।</p>
<p>गरिबी, अशिक्षा, पारिवारिक कलह, रोगको उपचारमा समस्या लगायतका कारणले आत्महत्या गर्ने दर बढिरहेको प्रदेश प्रहरी कार्यालयका प्रहरी प्रहरी नायब महानिरीक्षक तारिणी लम्सालले बताए।</p>
<p>कैलालीका डीएसपी दक्षकुमार बस्नेतका अनुसार जिल्ला प्रहरी कार्यालय सामाजिक सञ्चालको गलत प्रयोगले पनि आत्महत्याको दर बढेको छ।</p>
<p>अवैध सम्वन्ध, प्रेममा धोका, घरायसी झमेला लगायतका कारण युवायुवतीहरुले आत्महत्या गर्ने गरेको प्रहरी अनुसन्धानमा देखिएको छ।</p>
प्रतिक्रिया दिनुहोस्
.jpg)
