आजदेखि मौसममा सुधार
<p>काठमाडौं। केही दिनदेखि भइरहेको वर्षा र हिमपातसँगै बिग्रिएको मौसममा आजदेखि सुधार आउने छ।</p>
<p>पश्चिमी न्युन चापीय प्रणालीको प्रभाव विस्तारै कम भएकाले मौसममा क्रमिक रुपमा सुधार भइरहेको मौसम पूर्वानुमान महाशाखाले जनाएको छ।</p>
<p>आज दिनभर देशको पूर्वी भू-भाग लगायत मध्य तथा पश्चिमका पहाडी भूभागमा आंशिक बदली रही बाँकी भू-भागको मौसम सामान्यतया सफा रहने छ।</p>
<p>पूर्वी भू-भागका एक दुई स्थानमा हल्का वर्षा हुन सक्ने सम्भावना छ।</p>
<p>काठमाडौं उपत्यका लगायत तराईका केही स्थानहरुमा हुस्सु लाग्‍ने भएकोले चिसोबाट जोगिन महाशाखाले सर्वसाधारणमा अनुरोध गरेको छ।</p>
<p>घाम लागेसँगै हुस्सु विस्तारै हट्नेछ।</p>
प्रतिक्रिया दिनुहोस्
.jpg)
