.jpg)
सिरहामा जन्ती बोकेको ट्रयाक्टर दुर्घटना, दुईजनाको मृत्यु
<p>सिरहा। सिरहामा जन्ती बोकेको ट्रयाक्टर दुर्घटना हुँदा दुईजनाको मृत्यु भएको छ। पाँचजना घाइते भएका छन्।</p>
<p>पूर्वपश्चिम राजमार्गअन्तर्गत सिरहा गोलबजार-७, पुरानो चोहर्वा चोकमा स १ त ६५६० नम्बरको ट्रयाक्टर आज दिउँसो अनियन्त्रित भएर पल्टिएकाे थियाे।</p>
<p>दुर्घटनामा लहान नगरपालिका-१३ का २१ वर्षीय सन्तोषकुमार यादव र धनगढीमाई नगरपालिका-१२ का २२ वर्षीय श्रीप्रसाद मण्डलको मृत्यु भएको इलाका प्रहरी कार्यालय गोलबजारले जनाएको छ।</p>
<p>डिजे लोड गरी जन्ती जाँदै गरेको ट्रयाक्टर बाख्रालाई बचाउने क्रममा अनियन्त्रित भई दुर्घटना भएको इलाका प्रहरी कार्यालय गोलबजारका इन्चार्ज प्रहरी निरीक्षक जनक पुरीले बताए।</p>
<p>उनका अनुसार दुर्घटनामा सामान्य घाइते भएका पाँचजना उपचारपछि घर फर्किएका छन्। ट्रयाक्टरमा १३ जना सवार थिए। ट्रयाक्टर र चालकलाई प्रहरीले नियन्त्रणमा लिएकाे छ।</p>
<p> </p>
प्रतिक्रिया दिनुहोस्
.jpg)
