सन्दीपकाे टीम मेलबर्न स्टार्सद्वारा पर्थ १० रनले पराजित
<p>काठमाडौं। सन्दीप लामिछानेले एक विकेट लिएको दिन मेलबर्न स्टार्सले आज बिग बास लिगमा पर्थ स्कोर्चर्सलाई १० रनले पराजित गरेको छ।</p>
<p>हिल्टन कार्टराइटले अर्धशतक बनाएपछि मेलबर्न क्रिकेट मैदानमा टस जितेर ब्याटिङ गरेको मेलबर्नले निर्धारित २० ओभरमा ६ विकेट गुमाएर १४१ रन बनाएको थियो। १४२ रनको लक्ष्य पछ्याएकाे पर्थले ९ विकेट गुमाएर १३१ रन मात्र जोड्न सक्यो।</p>
<p>कार्टराइटले ५८, ग्लेन म्याक्सवेलले २५ तथा निक लार्किनले २४ रन बनाए। पर्थका म्याथ्यू केलीले तीन विकेट लिए। फवाद अहमद र जाई रिचार्डसनले एक-एक विकेट लिए।</p>
<p>सन्दीपले चार ओभरमा २९ रन दिएर एक विकेट लिए। निक म्याडिसनले तीन विकेट लिनुका साथै ड्यानियल वोरल, म्याक्सेल र क्लिन्ट हिन्चलाइफले एक-एक विकेट लिएपछि पर्थका कुनै पनि ब्याट्सम्यानले खुलेर खेल्न सकेनन्।</p>
<p>पर्थका क्यामरून बेनक्रफ्टले सबभन्दा धेरै ३२ रन बनाए। कर्टिस पिटर्सनले २०, लियम लिभिङस्टोनले १८, जोश इङलिसले १२ तथा मिचेल मार्श र टिम डेबिडले समान ११ रन बनाउनुबाहेक अन्यले दोहोरो अंकमा रन बनाउन सकेनन्।</p>
<p>मेलबर्न ११ खेलबाट २० अंक जोड्दै शीर्ष स्थानमा छ भने पर्थ १० अंकसहित चौथो स्थानमा छ।</p>
प्रतिक्रिया दिनुहोस्
.jpg)
