चाैथाे स्थानमा उक्लियाे पुलिस क्लब
<p>काठमाडौं। सौजन राई र कप्तान सुमन सुवेदीको गोलमा नेपाल पुलिस क्लबले आज जावलाखेल युथ क्लबलाई २-० ले पराजित गर्दै शहीद स्मारक 'ए' डिभिजन लिगको चौथो स्थानमा उक्लिएको छ।</p>
<p>सातदोबाटोस्थित एन्फा मुख्यालयको मैदानमा पुलिस क्लबले २७औं मिनेटमा अग्रता लिएको थियो। पुलिस क्लबले सौजन राईको गोलमा अग्रता लिएको हो। ४८औं मिनेटमा सुमनले पुलिसको अग्रता दोब्बर बनाए।</p>
<p>जितसँगै पुलिस ११ अंकका साथ चौथो स्थानमा उक्लिएको छ। पुलिस क्लबले सातमध्ये तीन खेल जितेको छ भने दुईमा हार र दुई खेल बराबरी खेलेको छ।</p>
<p>पुलिस शीर्ष स्थानको त्रिभुवन आर्मीभन्दा दुई अंकले मात्र पछाडि छ। तथापि त्रिभुवन आर्मीले एक खेल कम खेलेको छ।</p>
<p>जावलाखेलको यो लगातार दोस्रो हार हो। यसअघि मछिन्द्र क्लबसँग १-० ले पराजित भएको थियो। जावलाखेलको ९ अंक छ। जावलाखेलले दुईखेल जितेको छ भने दुई हार र तीन खेल बराबरी खेलेको छ।</p>
प्रतिक्रिया दिनुहोस्
.jpg)
