अन्नपूर्ण आधार शिविरमा हराएका चार जना काेरियाली र एक नेपालीकाे पहिचान, खाेजी कार्य जारी
<p> पाेखरा। अन्नपूर्ण आधार शिविरमा घुम्न गएका चार कोरियाली नागरिक र एक नेपाली पथप्रदर्शक हराएका छन्।</p>
<p>जिल्ला प्रहरी कार्यालय कास्कीका प्रहरी उपरीक्षक दानबहादुर कार्कीका अनुसार अन्नपूर्ण आधारशिविर पुगेका नौ कोरियाली नागरिकको टिममध्ये पाँचसहित एक नेपालीलाई जीवितै उद्धार गरिएको छ।</p>
<p>उद्धार गरिएका पाँचै जनालाई आधार शिविरबाट हिमालय भन्ने स्थानमा ल्याएर राखेको बताउँदै उनले मौसम सुधार हुनासाथ हेलिकप्टरमार्फत पोखरा ल्याइने जानकारी दिए। </p>
<p>अत्यधिक हिमपातसँगै आएको हिमपहिरोका कारण बाँकी चार जना कोरियान नागरिक र दुई जना गाईड सम्पर्कविहीन भएको प्रहरीले जनाएको छ।</p>
<p>कोनाको ट्रेकिङ एजेन्सीबाट पर्यटक लिएर गएका नेपाली गाइड सरोज परियार हिमपहिरोले हराएका छन् । </p>
<p>कोरियाली नागरिक ५३ वर्षीया किम सूक जा, ५७ वर्षीय ली मिन सु, ५९ वर्षीय जियोङ पिल बोङ र ३८ वर्षीया चोई ह्यो वन हराइरहेको ट्रेकिङ एजेन्सिज एसोसिएसन अफ नेपाल (टान) पश्चिमाञ्चलका अध्यक्ष हरि भूजेलले जानकारी दिए ।</p>
<p>अत्यधिक हिमपात भएकाले पदमार्ग हराएको पर्यटकको सञ्चार सम्पर्क हुन नसकेको र उद्धरमासमेत समस्या परेको प्रहरीले जनाएको छ । </p>
<p>कोरियाली पर्यटक काठमाडौंको ट्रिप नेपाल माउन्टेन गाइड नामक कम्पनीबाट टिम्स शुल्क काटेर अन्नपूर्ण बेसक्याम्पसम्मको पदमार्गमा गएका थिए । बेसक्याम्प जाँदै गरेका कोरियाली पर्यटक देउराली नजिकैबाट हराएको अध्यक्ष भुजेलले जानकारी दिए । </p>
<p>कोरियाली पर्यटक ११ जनाको समूहमा थिए । तीमध्ये ७ जना सम्पर्कमा आएका छन् भने ४ जना हराएका छन् । उद्धरका निम्ति नेपाल प्रहरी, टानको टोली पर्यटक हराएको क्षेत्रमा गइरहेका छन् भने हेलिकप्टरबाट पनि खोजी कार्य भइरहेको छ ।</p>
<p>आफ्ना नागरिकको खोजिका लागि नेपाल स्थित कोरियन राजदुतावासले हेलिकप्टरसहित उद्दार टोली पठाएको छ ।</p>
<p>स्थानीय पर्यटन व्यवसायी र प्रहरीसहितको सात जनाको टोली अहिले उद्धारका लागि छुमरुङ पुगिसकेको प्रहरी उपरीक्षक कार्कीले जानकारी दिए। </p>
<p>हिमपहिरोमा परी बेपत्ता भएकाको उद्धारका लागि आवश्यक सामग्रीसहितको पाँच जनाको अर्को टोली पनि छुमरुङ पुगेको टान पश्चिमाञ्चलका अध्यक्ष हरि भुजेलले जानकारी दिए।</p>
<p>अत्यधिक चिसोको कारण उद्धारमा कठिनाइ भइरहेको बताउँदै उनले उक्त टिममा अन्य नेपाली पनि हुनसक्ने बताए। <em>रासस</em></p>
प्रतिक्रिया दिनुहोस्
.jpg)
