विश्वकै होचा व्यक्ति खगेन्द्र थापा मगरको निधन
<p>काठमाडौं। विश्वकै होचा व्यक्तिको कीर्तिमान राखेका खगेन्द्र थापा मगरको निधन भएको छ। </p>
<p>स्वास्थ्यमा समस्या देखिएपछि उनलाई २ माघमा पोखराको मणिपाल शिक्षण अस्पतालमा भर्ना गरिएको थियो।</p>
<p>अस्पतालको सघन उपचारकक्ष (आईसीयू)मा उपचार गराइरहेका थापा मगरको आज दिउँसो तीन बजेतिर निधन भएको खगेन्द्र थापा मगर प्रतिष्ठानका अध्यक्ष मीनबहादुर राना मगरले जानकारी दिए।</p>
<p>खगेन्द्रमा मुटुको समस्या थियो। स्वासप्रस्वास, हेमोग्लोबिन कमी, सेतो रगत आवश्यकभन्दा बढी हुने समस्या खगेन्द्रमा रहेको प्रतिष्ठानका अध्यक्ष रानाको भनाइ छ। </p>
<p>थापाले २८ असोज २०६७ मा विश्वकै होचा व्यक्तिको रूपमा ‘गिनिज बुक अफ वर्ल्ड रेकर्ड’मा नाम लेखाउन सफल भएका थिए। त्यतिबेला थापाको उचाइ ५७ सेन्टिमिटर थियो। </p>
<p>१८ असोज २०४९ मा जन्मिएका थापा मगरको त्यो बेला ६०० ग्राम तौल थियो। उनी रूपबहादुर थापा मगर र धनमाया थापा मगरका छोरा हुन्।</p>
<p> </p>
प्रतिक्रिया दिनुहोस्
.jpg)
