जबर्जस्ती करणी मुद्दामा दाेषी ठहरिएका तीनजना ३० वर्षपछि पक्राउ
<p>सिरहा। जबर्जस्ती करणी मुद्दामा अदालतबाट दोषी ठहरिएका तीनजनालाई ३० वर्षपछि प्रहरीले पक्राउ गरेको छ।</p>
<p>पक्राउ पर्नेमा नवराजपुर गाउँपालिका–३, जगतपुरका ६२ वर्षीय दर्पी यादव, ६० वर्षीय विल्टु मोची र ४५ वर्षीय रामखेलावन मोची रहेको सिरहा प्रहरीले जनाएको छ।</p>
<p>आफ्नै घरमा बस्दै आएका तीनैजनालाई इलाका प्रहरी कार्यालय महेशपुर पतारबाट खटिएको प्रहरी टोलीले पक्राउ गरेको हो।</p>
<p>सिरहा जिल्ला अदालतले १८ असार २०४६ मा रामखेलावन र विल्टुलाई तीन–तीन वर्ष कैद सजाय सुनाएको थियो। दर्पीलाई एक वर्ष कैदको सजाय सुनाएको थियो।</p>
<p>उक्त फैसलापछि फरार रहेका तीनैजनालाई प्रहरीले पक्राउ गरी जिल्ला अदालत सिरहामा बुझाएको र फैसला कार्यान्वयनका क्रममा कारागार चलान गरिएको प्रहरी उपरीक्षक उमाप्रसाद चतुर्वेदीले बताए।</p>
<p> </p>
प्रतिक्रिया दिनुहोस्
.jpg)
