भोजपुरमा एमसीसीको विरोध गर्ने तीन जना पक्राउ
<p>भोजपुर। एमसीसीको विरोध गरिरहेका तीन जनालाई प्रहरीले पक्राउ गरेको छ।</p>
<p>भोजपुर नगरपालिकास्थित देउराली चोकमा 'नो एमसीसी' लेखिएको ब्यानर टाँगेर प्रदर्शन गरिरहेको बेला प्रहरीले स्थानीय भिम राई, नगेन्द्र तामाङ र दिलकुमार राईलाई पक्राउ गरेको हो।</p>
<p>२ माघ साँझ पक्राउ परेका उनीहरु जिल्ला प्रहरी कार्यालय भोजपुरको हिरासतमा छन्।</p>
<p>भोजपुरका प्रहरी प्रवक्ता इन्सपेक्टर पाण्डव राजवंशीले सडक बीचमा बसेर गाडी छेकेकाले उनीहरुलाई पक्राउ गरिएको बताए।</p>
<p>"एउटा ब्यानर टाँगेर सडक अवरुद्ध पार्दै थिए। प्रहरीलाई समेत गालीगलौज र अभद्र व्यवहार गरेपछि पक्राउ गरेका हौं", राजवंशीले <em>देखापढी</em>सँग भने। </p>
प्रतिक्रिया दिनुहोस्
.jpg)
