रहिनन् ‘बेटी बचाउ, बेटी पढाउ’ अभियन्ता पुष्पा
<p>काठमाडौं। भोजपुरी कलाकार एवं राजनीतिज्ञ पुष्पा पाण्डेको निधन भएको छ।</p>
<p>लामो समयदेखि स्तन क्यान्सरबाट पीडित ४२ वर्षीया पाण्डेको आज जनकपुरमा उपचारका क्रममा निधन भएको हो। </p>
<p>महोत्तरीमा जन्मिएकी पुष्पाले ‘मधेशी पुत्र’, ‘मेरो देश’ लगायत भोजपुरी, हिन्दी, मैथिली दर्जनौं चलचित्रहरूमा अभिनय गरेकी छन्।</p>
<p>नेपालमा मात्रै नभई उनले भारतको उत्तरप्रदेश, बिहारमा बनेका चलचित्रहरूमा समेत अभिनय गरेकी छन्। मधेश आन्दोलन शुरू भएपछि उनी राजनीतिमा सक्रिय थिइन्। मधेशी जनअधिकार फोरम जनतान्त्रिकमा सक्रिय रहिन्।</p>
<p>त्यसैगरी, तराई मधेश राष्ट्रिय अभियानकी उनी केन्द्रीय पार्षद समेत रहिन्। पछिल्लो समय प्रदेश नम्बर २ सरकारले शुरू गरेको ‘बेटी बचाउ, बेटी पढाउ’ अभियानमा उनी पर्सा जिल्लाको संयोजक थिइन्। </p>
<p>पुष्पाले प्रत्यक्ष निर्वाचनमा कहिल्यै भाग नलिए पनि उनी जनमानसमा भने लोकप्रिय कलाकार एवं राजनीतिज्ञको छवी बनाएकी थिइन्। पुष्पाको दुई छोरी र एक छोरा छन्। <br />
</p>
प्रतिक्रिया दिनुहोस्
.jpg)
