देश संघीयतामा गएपछि विकासको थालनी भयाेः मुख्यमन्त्री भट्ट
<p>कैलाली। सुदूरपश्चिम प्रदेशका मुख्यमन्त्री त्रिलोचन भट्टले मुलुक संघीयतामा गएपछि विकासको थालनी भएको बताएका छन्।</p>
<p>कैलारी गाउँपालिकाको हसुलियामा आज सांस्कृतिक प्रदर्शनीको उद्घाटन गर्दै मुख्यमन्त्री भट्टले विगतमा सुदूरपश्चिम विकासमा पछाडि पारिएको उल्लेख गर्दै अब विकासको शुरुवात भएको बताए।</p>
<p>थारू समुदायको तमाम किसिमको कला, संस्कृति रहेको उल्लेख गर्दै मुख्यमन्त्री भट्टले योजनाबद्धरूपमा पर्यटनको विकास गर्न सकिने बताए।</p>
<p>कार्यक्रममा संघीय सांसद् गौरीशङ्कर चौधरीले थारु समुदायको मौलिक पुराना संस्कृति हराउँदै गएकाले त्यसको संरक्षण गर्न जरुरी रहेको औंल्याए।</p>
<p>संस्कृतिको जगेर्ना र पर्यटन विकासमा टेवा पुर्‍याउने उद्देश्यले मल्टी युथ युवा क्लबको आयोजना र कैलारी गाउँपालिकाको सहकार्यमा सांस्कृतिक प्रदर्शनी महोत्सव दुईदिन सम्म चल्नेछ। </p>
<p>महोत्सव उद्घाटनको अवसरमा सखिया, झुम्रा, मुङ्ग्रहुवा, कठघोरी, बर्का नाच, होरी नाचलगायतको नृत्य देखाइएको थियो। यसैगरी विभिन्न सा‌ंस्कृतिक झाँकीसहित हसुलिया बजार परिक्रमा पनि गरिएको थियो।</p>
प्रतिक्रिया दिनुहोस्
.jpg)
