विना सूचना नेपाल छिरेका ९ जना भारतीय सुरक्षाकर्मीलाई नियन्त्रणमा लिइयो
<p>कैलाली। प्रहरीले विना सूचना नेपाली भूभागमा घुम्दै गरेका नाै जना भारतीय सुरक्षाकर्मीलाई कैलालीमा नियन्त्रणमा लिएको छ।</p>
<p>नेपालगञ्जसँगैको रुपैडिहा नाकाबाट नेपाल प्रवेश गरेर कैलालीको चिसापानी-अछाम सडकखण्डमा पर्ने लम्कीचुहा नगरपालिका वडा नम्बर ७ पितमारीमा पुगेका उनीहरूलाई नेपाल प्रहरीले यूपी३२डीजेड४३५४ नम्बरको गाडीसहित नियन्त्रणमा लिएको हो। </p>
<p>इलाका प्रहरी कार्यालय चिसापानीको टोलीले उनीहरूलाई नियन्त्रणमा लिएर सोधपुछ गरेको प्रहरी स्रोतले जानकारी दिएको छ। </p>
<p style="text-align:center"><img alt="" height="540" src="https://www.dekhapadhi.com/storage/photos/shares/Security/Indain-police-.jpg" width="960" /></p>
<p>नेपालगञ्जबाट करीब ९० किलोमिटर पश्चिम पुग्दा उनीहरूले बर्दिया राष्ट्रिय निकुञ्ज सुरक्षार्थ तैनाथ नेपाली सेनाका चार वटा चेकपोस्ट पार गरेका थिए। </p>
<p>कैलाली प्रहरीका प्रवक्ता डीएसपी दक्षकुमार बस्नेतले उनीहरूले चिसापानी पुल हेर्न आएको बताएको <em>देखापढी</em>लाई बताए। प्रहरीले चेकजाँच गर्दा उनीहरूसँग हतियार भने फेला नपरेको डीएसपी बस्नेतले जानकारी दिए। </p>
<p>अहिले उनीहरू प्रहरी नियन्त्रणमै छन्। </p>
<p> </p>
प्रतिक्रिया दिनुहोस्
.jpg)
