चीनसँगको उत्तरी सीमा किमाथांकामा सशस्त्रको बीओपी
<p>संखुवासभा। सशस्त्र प्रहरी बलले उत्तरी सिमानामा पहिलो पटक बोर्डर आउट पोस्ट (बीओपी) स्थापना गरेको छ।</p>
<p>संखुवासभाको भोटखोला गाउँपालिका- १ स्थित किमाथांकामा २९ पुसमा सशस्त्रको बीओपी राखिएको हो । </p>
<p>पुर्व क्षेत्र सशस्त्र प्रहरी बल मुख्यालय १ नम्बर बाहिनीपति सशस्त्र प्रहरी नायब महानिरीक्षक नगेन्द्र बहादुर थापा र संखुवासभाका प्रमुख जिल्ला अधिकारी जिवनप्रसाद दुलालले संयुक्त रूपमा बोर्डर आउट पोस्टको उद्घाटन गरे।</p>
<p>बीओपी स्थापनाको लागी सशस्त्र प्रहरी निरीक्षकको कमान्डमा सशस्त्र प्रहरी बलको टोली नेपाली सेनाको हेलिकप्टरबाट किमाथांका लगिएको थियो।</p>
<p>सदरमुकाम खाँदबारीबाट ११० किलोमिटर टाढा किमाथांका चीनसँग सिमाना जोडिएको छ।</p>
<p>स्थानीय व्यक्तीको दुई वटा घर भाडामा लिएर बीओपी राखिएको सशस्त्र प्रहरीले जनाएको छ।</p>
<p>किमाथांकाको समेत गरी सशस्त्र प्रहरीको बीओपी संख्या ११२ पुगेको छ।</p>
<p>११४ नयाँ बीओपी राख्‍ने सरकारको योजना छ।</p>
प्रतिक्रिया दिनुहोस्
.jpg)
