स्रोत नखुलेको रकमसहित दुई जना पक्राउ
<p>काठमाडौं। प्रहरीले चन्द्रागिरी नगरपालिका-२ नागढुङ्गाबाट स्रोत नखुलेको रकमसहित दुई जनालाई पक्राउ गरेको छ। </p>
<p>२८ पुरस साँझ काठमाडौंबाट नुवाकोटतर्फ जाँदै गरेको बा २ ज ४८०२ नम्बरको ट्याक्सी जाँच गर्ने क्रममा नौ लाख ९९ हजार रूपैयाँ नगदसहित दुई जनालाई पक्राउ गरिएको प्रहरीले बताएको छ। </p>
<p>पक्राउ पर्नेहरुमा पर्सा हिपरमाई गाउँपालिका-८ घर भएका २१ वर्षीय कृष्ण यादव र चितवनको भरतपुर महानगरपालिका-१६ घर भएका ३८ वर्षीय राजु पौडेल रहेका छन्।</p>
<p>ट्याक्सीमा नुवाकोटतर्फ जाँदै गरेका पौडेलको साथमा उक्त नगद फेला परेको प्रहरीले बताएको छ।<br />
</p>
प्रतिक्रिया दिनुहोस्
.jpg)
