खोटाङका स्थानीय तहमा बेरुजुको चाङ
<p>खोटाङ। महालेखा परीक्षकको कार्यालयले दश वटै स्थानीय तहमा बेरुजु औंल्याएको छ।</p>
<p>महालेखाको प्रारम्भिक प्रतिवेदनअनुसार खोटाङका दुई नगरपालिका र आठ गाउँपालिकामा करोडौँ बेरुजु देखिएको हो ।</p>
<p>आर्थिक वर्ष २०७५/०७६ भित्र ती स्थानीय तहले सम्पादन गरेका आर्थिक गतिविधि परीक्षण गर्दा बेरुजु भेटिएको हो।</p>
<p>पेश्की, नियमित गर्ने, फछ्र्योट गर्नुपर्ने र असुल गर्नुपर्ने लगायत बेरुजु रकमका आधारमा महालेखाले स्थानीय तहको बेरुजुको मात्रा खुलाएको छ।</p>
<p>ऐसेलुखर्क गाउँपालिकामा आव २०७५/७६ मा १४ लाख ६१ हजार ७७७ रूपैयाँ बेरुजु छ। अघिल्लो आवमा यस गाउँपालिकामा ४० लाख ३४ हजार ५६६ रूपैयाँ बेरुजु थियो।</p>
<p>अघिल्लो आवमा तीन करोड ३६ लाख ७१ हजार ८०६ रूपैयाँ बेरुजु रहेको केपिलासगढी गाउँपालिकामा आव २०७५/७६ मा एक करोड ६२ लाख २८ हजार २८७ रूपैयाँ बेरुजु देखिएको छ।</p>
<p>खोटेहाङ गाउँपालिकामा तीन करोड १८ लाख १९ हजार ३५४ रूपैयाँ बेरुजु रहेको प्रतिवेदनमा जनाइएको छ।</p>
<p>दिक्तेल रुपाकोट मझुवागढी नगरपालिकामा एक करोड ३१ लाख २९ हजार ७०१ रूपैयाँ र हलेसी तुवाचुङ नगरपालिकामा दश करोड २५ लाख दुई हजार ८९९ रूपैयाँ बेरुजु भटिएको छ ।</p>
<p>रावाबेँसी गाउँपालिकाको एक करोड ९५ लाख ९५ हजार ९०९ रूपैयाँ बेरुजु देखिएको छ। त्यस्तै बराहपोखरी गाउँपालिकाको बेरुजु एक करोड ११ लाख ८१ हजार ४७८ छ।</p>
<p>२०७४/७५ मा दुई करोड ८७ लाख ५२ हजार ५०१ रूपैयाँ बेरुजु रहेको साकेला गाउँपालिकामा २०७५/७६ मा एक करोड २० लाख ७८ हजार ३०१ रूपैयाँ बेरुजु रहेको प्रतिवेदनमा उल्लेख छ। <em>रासस</em></p>
प्रतिक्रिया दिनुहोस्
.jpg)
