पुनर्निर्माण प्राधिकरणको म्यादबारे निर्णय गर्न कार्यदल
<p>काठमाडौं। १२ बैशाख २०७२ को भूकम्पबाट क्षति भएका संरचना पुनर्निर्माण गर्न गठित राष्ट्रिय पुनर्निर्माण प्राधिकरणको म्याद थप्ने वा नथप्ने सिफारिस गर्न कार्यदल गठन गरिएको छ। प्राधिकरणको म्याद एक वर्षपछि सकिँदैछ।</p>
<p>प्राधिकरणका प्रमुख कार्यकारी अधिकृत सुशील ज्ञवालीको संयोजकत्वमा गठित सो कार्यदलमा अर्थ, गृह, शहरी विकास, संस्कृति पर्यटन तथा नागरिक उड्ययन मन्त्रालय, राष्ट्रिय योजना आयोग र प्राधिकरणका सचिव सदस्य छन्। <br />
<br />
निर्देशक समितिको बैठकले कार्यदललाई पुनर्निर्माणको वर्तमान अवस्था, आगामी कार्ययोजना, वित्तीय व्यवस्थापनको अध्ययन गरी प्राधिकरणको म्याद थप्ने अथवा नथप्ने सिफारिस गर्ने जिम्मेवारी दिएको छ।</p>
<p>कार्यदलको प्रतिवेदन प्राधिकरण निर्देशक समितिको अर्को बैठकमा पेश हुने जनाइएको छ।<br />
<br />
पुनर्निर्माणसम्बन्धी ऐन, २०७२ मा सरकारले आवश्यक ठानेमा प्राधिकरणको म्याद एक वर्ष थप्नसक्ने प्रावधान छ।<br />
<br />
चार दिनअघि बसेको प्राधिकरण परामर्श परिषद्को बैठकले पुनःनिर्माण सन्तोषजनक रूपमा अघि बढेको निष्कर्ष निकालेको थियो।</p>
<p>बैठकमा प्रधानमन्त्री केपी शर्मा ओलीले पुनर्निर्माणलाई प्राथमिकता दिएको स्पष्ट पार्दै प्राप्त उपलब्धिले नयाँ उत्साह थपेको बताएका थिए।</p>
<p>पुनर्निर्माणको बाँकी कामलाई सम्पन्न गर्न उपलब्ध बजेट र स्रोतको सिमामा रहेर वास्तविक योजना बनाइ काम गर्न पनि प्रधानमन्त्री ओलीले निर्देशन दिएका छन्।</p>
<p>बैठकमा प्राधिकरणका प्रमुख कार्यकारी अधिकृत ज्ञवालीले पुनःनिर्माणको अवस्था, आगामी कार्ययोजना र वित्तीय आँकलन प्रस्तुत गरेका थिए।<br />
<br />
निर्देशक समितिको बैठकले पुनःनिर्माण राम्रोसँग अघि बढेको निष्कर्षसमेत निकालेको थियो।</p>
प्रतिक्रिया दिनुहोस्
.jpg)
