‘गोरु जुधाइ मेला’मा १०८ गोरु जुधाइने
<p>काठमाडौं। माघे संक्रान्तिको अवसरमा देशभरका चार स्थानमा १०८ वटा गोरु जुधाइने भएको छ।</p>
<p>१ माघ अर्थात् माघे संक्रान्तिमा नुवाकोट, रसुवा र धादिङमा गोरु जुधाइने भएको हो।</p>
<p>विगत लामो समयदेखि नुवाकोट तारकेश्वर गाउँपालिका–३, चन्दनीमा हरेक वर्ष १ माघमा गोरु जुधाइ मेला (बुलफाइट) आयोजना हुँदै आएको छ। सोही अवसरमा ५४ हल गोरु जुधाइने आयोजकले जानकारी दिएको छ।</p>
<p>नुवाकोटको तारुकामा २२ हल, (४४ वटा) गोरु जुधाइनेछ। यस्तै रसुवा र नुवाकोटको सिमाना बेत्रावतीमा १२ हल (२४ वटा), घलेगाँउमा आठ हल (१६ वटा) र धादिङको धुवाँकोटमा १४ हल (२८ ओटा) गोरु जुधाइने आयोजक रसुवा नुवाकोट पर्यटन समाजले जानकारी दिएको छ।</p>
<p>स्थानीय संस्कृतिलाई जीवित राख्दै राष्ट्रिय/अन्तर्राष्ट्रिय क्षेत्रमा समेत गोरु जुधाइ हुने स्थानको प्रवर्द्धन गर्दै भ्रमण वर्षलाई सघाउ पुर्‍याउने आयोजकको भनाइ छ।</p>
प्रतिक्रिया दिनुहोस्
.jpg)
