सिरियाको इद्लिबमा हवाई आक्रमण, सातजनाको मृत्यु
<p>सिरिया। सिरियाको इद्लिब प्रान्तमा हवाई आक्रमण भएकाे छ।</p>
<p>सो आक्रमणमा कम्तीमा सातजना सर्वसाधारण मारिएकाे समाचारमा जनाइएकाे छ।</p>
<p>मारिएका सर्वसाधारणमा केही बालबालिका पनि परेकाे मानवअधिकारवादी संघसंस्थाहरूले जानकारी दिएका छन्। </p>
<p>‘सिरियन अब्जरभेटरी अफ ह्युम्यान राइट्स’ले उक्त इद्लिब क्षेत्रमा केही समय यतादेखि हिंसात्मक हमला नभएकोमा आज यस प्रकारको हमला भएको पाइएको जनाएको छ।</p>
<p>उक्त आक्रमण बिहानबाट निरन्तर रहेको बताइएको छ। अधिकारीहरूले यस हवाई आक्रमण रुसआबद्ध रहेको सेनाले गरेको हुन सक्ने अनुमान गरिएको पनि प्राप्त समाचारमा जनाइएको छ ।</p>
<p>सिरियाली सरकारको सहयोगमा रुसमा विद्रोहीलाई लक्ष्य गरी रुसी सेनाले विभिन्न प्रान्तमा गर्दै आएको हवाई आक्रमणहरूमा बारम्बार सर्वसाधारणको मृत्यु भएको पाइन्छ।</p>
<p>सिरियामा सन् २०११ को मार्च महीनाबाट यहाँका राष्ट्रपति बसर अल असदको राजीनामाको माग गर्दै जनआन्दोलनमा शुरू भएको थियो। सो जनआन्दोलन केही समयपछि गृहयुद्धमा परिणत भयो।</p>
<p>वर्षौंदेखि जारी गृह युद्धका क्रममा सिरियामा हालसम्म तीन लाख ७० हजारभन्दा बढी व्यक्तिको मृत्यु भएको छ। यहाँको यस प्रकारको गृहयुद्धबाट लाखौँ व्यक्ति घाइते भएका बताइएको छ।</p>
<p>त्यसैगरी यहाँको हिंसामा परी दशौँ लाख व्यक्ति देशभित्र र छिमेकी देशमा शरणार्थी बन्न बाध्य भएका छन्। <em>रासस/एएफपी</em></p>
प्रतिक्रिया दिनुहोस्
.jpg)
