जनज्योतिलाई क्वीक्स कपको उपाधि
<p>काठमाडौं। दीक्षा खाँड र एलिशा थापामगरको गोलमा जनज्योति उच्च माविले आज दुर्गा माविलाई २–१ ले हराउँदै क्‍वीक्स कप अन्तरस्कुल महिला फुटबल प्रतियोगिताको उपाधि जितेको छ।</p>
<p>सातदोबाटोस्थित एन्फा मुख्यालयमा सम्पन्न खेलमा दुर्गा माविले शुरूमा अग्रता लिए पनि त्यसलाई जोगाउन नसक्दा उपाधिबाट वञ्चित हुनु पर्‍यो। दुर्गा माविकी सुनिता बोलानले २६औं मिनेटमा अग्रता दिएकी थिइन्।</p>
<p>जनज्योतिकी दीक्षाले ३५औं मिनेटमा बराबरी गोल फर्काइन्। ५१औं मिनेटमा एलिशा थापामगरले गरेको गोल जनज्योतिलाई उपाधि दिलाउन निर्णायक बन्यो।</p>
<p>विजेता जनज्योतिले तीन लाख रूपैयाँ पुरस्कार जित्यो। दोस्रो भएको दुर्गा माविले एक लाख ५० हजार रूपैयाँ पुरस्कार जित्यो।</p>
<p>महादेव माविले ज्वालामुखीलाई १–० ले हराउँदै तेस्रो स्थान हासिल गर्‍यो। महादेव माविको जितमा प्रतीक्षा चौधरीले ४८औं मिनेटमा गरेको गोल निर्णायक बन्यो।</p>
<p>तेस्रो हुने महादेवले ७५ हजार तथा चौथो हुने जनज्योतिले ५० हजार रूपैयाँ पुरस्कार जित्यो। जनज्योतिकी विनिषा सुनार उत्कृष्ट गोलकिपर, दीक्षा खाँड उत्कृष्ट फरवार्ड तथा अमृत केसी उत्कृष्ट प्रशिक्षक घोषित बने।</p>
<p>महादेव माविकी प्रतीक्षा चौधरी उत्कृष्ट रक्षक तथा दुर्गा माविकी सुनिता सुनुवार उत्कृष्ट मिडफिल्डर घोषित भइन्। विधागततर्फ उत्कृष्ट हुनेले जनही पाँच हजार रूपैयाँ पुरस्कार जिते।</p>
प्रतिक्रिया दिनुहोस्
.jpg)
