brigade boys.jpg)
सरस्वतीको पहिलो अंक
<p>काठमाडौं। सरस्वती युथ क्लबले आज ब्रिगेड ब्वाइज क्लबसँग गोलरहित बराबरी खेल्दै शहीद स्मारक ‘ए’ डिभिजन लिगमा पहिलो अंक जोडेको छ।</p>
<p>सरस्वती युथ क्लबले लिगमा पहिलो अंक जोडे पनि जितविहीन यात्रा भने छैटौं खेल सकिँदा पनि कायमै छ। सरस्वतीले यसअघिका सबै पाँचै खेल हारेको थियो।</p>
<p>सरस्वती एक अंकका साथ लिगको पुछारमा छ। जुन १३औं स्थानको सशस्त्र प्रहरी बल (एपीएफ) क्लबको भन्दा तीन अंकले पछि हो। हिमालयन शेर्पा र एपीएफको समान चार अंक छ।</p>
<p>सरस्वतीका प्रशिक्षक प्रदीप नेपालले क्लब रेलिगेशनबाट जोगिने विश्वास व्यक्त गरे।</p>
<p>"आज जित्नैपर्ने खेल थियो। तर, पाएको राम्रो अवसर सदुपयोग गर्न नसक्दा बराबरीमा चित्त बुझाउनु पर्‍यो। बाँकी खेलमा अझ राम्रो गर्नेछौं", रेलिगेशनको सम्भावनाबारे प्रशिक्षक नेपालले भने, "अझै सात खेल बाँकी छ। फुटबलमा जे पनि हुन्छ। त्यसैले हामी नै रेलिगेशनमा पर्छौं भन्ने छैन।’</p>
<p>ब्रिगेड ब्वाइज भने सात अंकका साथ आठौं स्थानमा यथावत् छ। ब्रिगेडले बराबरी खेलेको यो पहिलो हो। यसअघि ब्रिगेडले दुई खेल जितेको थियो भने तीन खेलमा पराजित भएको थियो।</p>
<p>पुछारको क्बलसँग बराबरी खेले पनि ब्रिगेड ब्वाइजका टीम व्यवस्थापक अरविन्द गुरुङले केही नहुनुभन्दा एक अंक आउनु राम्रो भएको बताए।</p>
<p>"आजको नतिजाबाट हामी निराश छौं। सरस्वतीलाई हामीले हल्का रूपमा लिएका थिएनौं। तर बराबरीमा चित्त बुझाउनु पर्‍यो", टीम व्यवस्थापक गुरुङले भने, "फुटबलमा सधैँ एकनाशको प्रदर्शन गर्न सकिँदैन। अघिल्लो र आजको खेलमा हाम्रो प्रदर्शन राम्रो हुन सकेन। तर, अंक नै नहुनु भन्दा एक अंक लिनु पनि राम्रो नै हो।"</p>
प्रतिक्रिया दिनुहोस्
.jpg)
