सन्दीपको टीम मेलबर्नले हरायो सिड्नीलाई
<p>काठमाडौं। सन्दीप लामिछाने एक विकेट लिएको दिन मेलबर्न स्टार्सले आज बिग बास लिगमा सिड्नी सिक्सर्सलाई ४४ रनले पराजित गरेको छ।</p>
<p>ओपनर मार्कुस स्टोइनिसले आक्रामक ब्याटिङ गर्दै अविजित १४७ रन बनाएपछि मेलबर्न क्रिकेट मैदानमा टस हारेर ब्याटिङका लागि निम्त्याइएको मेलबर्नले निर्धारित २० ओभरमा एक विकेट गुमाएर २१९ रन बनाएको थियो।</p>
<p>२२० रनको लक्ष्य पछ्याएको सिड्नी सात विकेट गुमाएर १७५ रन मात्र जोड्न सक्यो।</p>
<p>जितसँगै मेलबर्न स्टार्सले शीर्ष स्थानमा चार अंकको स्पष्ट अग्रता लिएको छ। मेलबर्नले ९ खेलबाट १६ अंक जोडेको छ। सिड्नी सिक्सर्स १२ अंकका साथ दोस्रो स्थानमा छ।</p>
<p>स्टोइनिसले अविजित १४७ रन बनाउने क्रममा ७९ बलमा १३ चौका र आठ छक्का प्रहार गरे। उनले हिल्टन कार्टराइटसँग पहिलो विकेटका लागि २०७ रनको साझेदारी गरे। कार्टराइटले ५९ रन बनाए। कप्तान ग्लेन म्याक्सवेल पाँच रनमा अविजित रहे।</p>
<p>लेग स्पिनर सन्दीपले चार ओभरमा ३५ रन दिएर एक विकेट लिए। यससँगै आठ खेलमा सन्दीपको विकेट संख्या ९ पुगेको छ।</p>
<p>सन्दीपबाहेक क्लिन्ट हिन्चलाइफले तीन विकेट तथा लान्स मोरिस ह्यारिस राउफ र ड्नियल ओरलले समान एक÷एक विकेट लिएपछि सिड्नीका कुनै पनि ब्याट्सम्यानले खेल्न सकेनन्।</p>
<p>सिड्नीका बेन ड्वारसुइसले सबभन्दा धेरै अविजित ४२ रन बनाए। मोइसिस हेनरिकले ४१, जोर्डन सिल्कले ३२ रन जोड्नुबाहेक अन्यले उल्लेख्य प्रदर्शन गर्न सकेनन्।</p>
<p> </p>
प्रतिक्रिया दिनुहोस्
.jpg)
