मानवअधिकार आयोगले भन्यो- धनुषा घटनाका दोषीलाई कारबाही र पीडितलाई क्षतिपूर्ति देऊ
<p>काठमाडौं। राष्ट्रिय मानवअधिकार आयोगले धनुषाको मिथिला नगरपालिका-५ का दिलिपकुमार महतो घटनामा संलग्न दोषीलाई कानून बमोजिम कारबाही गर्न र पीडितलाई क्षतिपूर्ति दिन सरकारलाई निर्देशन दिएको छ।</p>
<p>आयोगका निमित्त सचिव मुरारिप्रसाद खरेलले विज्ञप्ति जारी गर्दै घटनाको सत्यतथ्य बाहिर ल्याउन माग गरेका छन्।</p>
<p>“यस प्रकारका घटना दोहोरिन नदिनेतर्फ सचेत रहँदै निष्पक्ष र प्रभावकारी अनुसन्धानमार्फत् घटनाको सत्यतथ्य उजागर गर्नुपर्छ”, उनले भनेका छन् “यस घटनाले आयोगको गम्भीर ध्यानाकर्षण भएको छ।”</p>
<p>धनुषाको औरही खोलामा टिपरले टाउकोमा कुल्चेर हत्या भएको भनिएको घटनाको अनुगमन तथा अनुसन्धानका लागि आयोगको प्रदेश नम्बर २ कार्यालयको टोली घटनास्थलतर्फ प्रस्थान गरिसकेको आयोगले जनाएको छ।</p>
<p>यस घटनाबाट वातावरण संरक्षणमा लागिरहेका व्यक्तिको जीवनको अधिकार तथा नेपालले हस्ताक्षर गरेको नागरिक तथा राजनीतिक अधिकार सम्बन्धी प्रतिज्ञापत्र, १९६६ को उल्लंघन भएको आयोगको ठहर छ। </p>
<p>“स्वच्छ वातावरणको अधिकार मानव अधिकारको महत्वपूर्ण विषय हो। वातावरणको अधिकारको संरक्षण गर्नु हामी सबैको दायित्व हुन्छ” आयोगले विज्ञप्तिमा भनेको छ।</p>
<p>घटनाका सम्बन्धमा वातावरण संरक्षण अभियन्ताहरूको टोलीले आयोगमा आज ज्ञापन पत्रसमेत बुझाएका छन्। </p>
<p>घटनाको निष्पक्ष र प्रभावकारी छानविन गरी दोषीलाई कानूनी कारबाहीको माग गर्दै उनीहरूले आयोगका अध्यक्ष अनुपराज शर्मासमक्ष ज्ञापन पत्र बुझाएका हुन्। </p>
<p>ज्ञापनपत्र बुझ्दै आयोगका अध्यक्ष शर्माले घटना दुःखद् रहेको बताए। </p>
<p>घटनाको कानूनी प्रक्रियाबारे आयोगले नजिकबाट अनुगमन गरिरहेको र वातावरणको अनधिकृत दोहन सम्बन्धमा प्रतिवेदन प्राप्त भइसकेपछि सम्बन्धित निकायको ध्यानाकर्षण गराउने उनले प्रष्ट पारे।</p>
<p><strong>पढ्नुहोस्</strong></p>
<p><a href="https://dekhapadhi.com/news/5147" target="_blank"><strong>दिलिप हत्या प्रकरणः इप्रका ढल्केबरका इन्स्पेक्टर यादव जिल्ला तानिए</strong></a></p>
<p><strong><a href="https://dekhapadhi.com/news/5139" target="_blank">राष्ट्रिय सभामा सांसदहरूले भने- दिलिपका ‘हत्यारा’लाई कारबाही गर</a></strong></p>
<p><strong><a href="https://dekhapadhi.com/news/5082" target="_blank">दिलिप हत्या प्रकरण: क्रसर उद्योग व्यवसायी विपिन महतो पक्राउ</a></strong></p>
<p><strong><a href="https://dekhapadhi.com/news/5038" target="_blank">धनुषामा टिपरले हानेर युवाकाे हत्या भएपछिकाे विरोध प्रदर्शनमा अश्रुग्याँस</a></strong></p>
<p><strong><a href="https://dekhapadhi.com/news/5035" target="_blank">धनुषामा अवैध उत्खननको विरोध गर्ने युवा टिपरको ठक्करबाट मारिए</a></strong></p>
<p> </p>
प्रतिक्रिया दिनुहोस्
.jpg)
