तनहुँमा एनसेल टावरमा आगजनी
<p>तनहुँ। तनहुँको भिमाद नगरपालिका-५ मिर्छुलुङस्थित एनसेल टावरमा गएराति आगजनी गरिएको छ।</p>
<p>अज्ञात समूहले गरेको आगजनीबाट आगजनीबाट टावरको सबै उपकरण जलेर नष्‍ट भएको इलाका प्रहरी कार्यालय भिमादका प्रमुख प्रहरी नायब निरीक्षक भेषराज रेग्मीले बताए ।</p>
<p>राति ११ बजे टावर बन्द भएको म्यासेज एनसेल कर्मचारीको मोबाइलमा आएको थियो।</p>
<p>बिहान गएर हेर्दा टावर आगजनी भएको अवस्थामा भेटिएको हो।</p>
<p>बिजुलीको मूख्य मिटरबाट लाइन काटेर आगजनी गरेको प्रारम्भिक अनुसन्धानबाट भेटिएको छ।</p>
<p>आगजनीबाट टावरको जेनेरेटर, ब्याट्री, टावरका तारलगायतका सामग्री जलेको छ।</p>
<p>प्रहरीले आगजनी गर्नेको खोजी गरिरहेको छ। <em>रासस</em></p>
प्रतिक्रिया दिनुहोस्
.jpg)
