आज पृथ्वीजयन्ती मनाइँदै
<p>काठमाडौं। राष्ट्र निर्माता पृथ्वीनारायण शाहको २९८औँ जन्मजयन्तीका अवसरमा आज विभिन्न कार्यक्रमको आयोजना गरी राष्ट्रिय एकता दिवस मनाइँदैछ।</p>
<p>सिंहदरबार पश्चिम मूलद्वारमा नेपाल प्रज्ञा–प्रतिष्ठानले पृथ्वी जयन्ती तथा राष्ट्रिय एकता दिवस समारोह गर्दैछ। </p>
<p>त्यहाँ अवस्थित राष्ट्र निर्माताको शालीकमा पुष्पहार अर्पण गरी नेपालको एकीकरणमा उनकोे योगदानको स्मरण गरिने छ।<br />
<br />
२७ पुस १७७९ मा गोरखामा जन्मिएका पृथ्वीनारायण शाहले ससाना राज्यलाई एकीकरण गरी आधुनिक नेपाल निर्माण गरेका थिए।</p>
<p>नेपाली सेनाले पनि सैनिक मुख्यालय जङ्गी अड्डामा अवस्थित राष्ट्र निर्माताको शालिकमा माल्यार्पण गर्ने कार्यक्रम तय गरेको छ।</p>
<p>मुलुकको विकास र समृद्धिका लागि सुशासन कायम गर्न 'घुस दिने र लिने दुवै देशका शत्रु हुन्' भन्ने शाहको धारणा सँधै स्मरण योग्य छ।</p>
<p>राष्ट्रिय प्रजातन्त्र पार्टीले राष्ट्रिय एकता दिवसको उपलक्ष्यमा नेपाल पुुलिस क्लब प्रदर्शनी मार्गमा आज दिउँसो चियापान कार्यक्रमको आयोजना गरेको छ।</p>
<p> </p>
प्रतिक्रिया दिनुहोस्
.jpg)
