प्रेसिडेन्ट कप ब्याडमिन्टनः पाँचै स्वर्ण भारतलाई
<p>काठमाण्डौं। प्रेसिडेन्ट कप नेपाल इन्टरनेशनल सिरिज २०२० का पाँच स्पर्धामा भारतले स्वर्ण पदक जितेको छ।</p>
<p>भारतले पुरुष एकल र युगल, महिला एकल र युगल तथा मिक्स डबल गरी सबै स्पर्धामा स्वर्ण पदक जितेको हो।</p>
<p>पुरुष एकलतर्फ भारतका जुनियर नम्बर एक तथा विश्व जुनियर वरीयताको तेस्रो स्थानमा रहेका मिरबा लुवाङ्गले नेपालका प्रिन्स दाहाललाई २–१ को सेटमा पराजित गरे।</p>
<p>लुवाङ्गले दुबई इन्टरनेशलन सिरिजका विजेता प्रिन्स दाहाललाई २१–१६, २१–२३, २१–१५ ले पराजित गरेका हुन्। मिरबा भर्खरै बंगलादेशमा सम्पन्न बंगलादेश जुनियर इन्टरनेशनलको समेत विजेता हुन्।</p>
<p>पुरुष युगलतर्फ आर.विकास प्रभु र अरुण कार्तिक के. को जोडीले नेपालमा प्रिन्स दाहाल र पेम्बा शेर्पाको जोडीलाई १९–२१, २१–१४, २१–१६ ले हराउँदै स्वर्ण पदक जिते।</p>
<p>महिला एकलतर्फ पनि भारतकी तस्निम मिरले स्वर्ण पदक जितिन्। मिरले मलेसियाकी करुपथेभन लेत्शानालाई २१–१७, २१–१४ ले पराजित गरेकी हुन्।</p>
<p>महिला युगलमा ननधा के. र सानिया सिकन्दरको जोडीले नेपालका विष्णा विष्ट र प्रश्ना खत्रीको जोडीलाई २१–६, २१–६ को सेटमा पराजित गर्दै स्वर्ण पदक जिते।</p>
<p>मिक्स डबल्सतर्फ भारतका मुरुगप्पा केएस र सानिया सिकन्दरको जोडीले भारतकै आयन रशिद र तस्मिन मिरको जोडीलाई २१–१७, २१–१४ ले पराजित गर्दै स्वर्ण पदक जिते।</p>
प्रतिक्रिया दिनुहोस्
.jpg)
