एपीएफ भलिबलकाे फाइनलमा
<p>काठमाडौं। साविक विजेता सशस्त्र प्रहरी बल (एपीएफ) क्लबले आज नेपाल पुलिस क्लबलाई हराउँदै तेस्रो संस्करणको होङ्ग्वान्जी न्यू डायमण्ड खुल्ला राष्ट्रिय महिला भलिबल प्रतियोगिताको फाइनलमा स्थान बनाएको छ।</p>
<p>नयाँ बसपार्कस्थित ढोरपाटन क्लबको मैदानमा सम्पन्न खेलमा एपीएफले विभागीय डर्बीमा पुलिस क्लबलाई ३–० को सोझो सेटमा हराएको हो। एपीएफले पुलिस क्लबलाई २५–१४, २५–१८, २५–१७ को सेटमा हराएको हो।</p>
<p>एपीएफले समूह ‘ए’ को विजेता बन्दै सेमिफाइनलमा स्थान बनाएको थियो भने नेपाल पुलिस क्लब समूह ‘बी’ को उपविजेता हो।</p>
<p>एपीएफले भाेलि, २७ पुसमा उपाधिका लागि आयोजक न्यू डायमण्ड र त्रिभुवन आर्मी क्लबबीचको विजेतासँग प्रतिस्पर्धा गर्नेछ। न्यु डायमण्ड र त्रिभुवन आर्मीबीचको खेल पनि आजै हुनेछ।</p>
प्रतिक्रिया दिनुहोस्
.jpg)
