काबुसको खामभित्र हैयथमको नाम, पूर्वसंस्कृतिमन्त्री बने ओमानको नयाँ सुल्तान
<p>काठमाडाैं। ओमानको नयाँ सुल्तानमा पूर्वसंस्कृति मन्त्री हैयथम बिन तारिक अल सइद नियुक्त भएका छन्। ओमानी सञ्चारमाध्यमका अनुसार आज बिहान उनले ओमानको सुल्तानका रूपमा शपथ लिएका छन्।</p>
<p>ओमानका सुल्तान काबुस बिन सइद अल सइदको ७९ वर्षको उमेरमा २५ पुस साँझ निधन भएको थियो।</p>
<p>काबुसको इच्छाबमोजिम हैयथमलाई ओमानको सुल्तानमा नियुक्त गरिएको अन्तर्राष्ट्रिय सञ्चारमाध्यमहरूले बताएका छन्।</p>
<p>स्वर्गीय सुल्तान काबुस अविवाहित थिए। उनको आफ्ना सन्तान नभएका कारण ओमानी सत्ता सम्हाल्ने उत्तराधिकारी यसअघि टुंगाे लागेको थिएन।</p>
<p>उनका तीन भाइलाई नै नयाँ ओमानी सुल्तानको उत्तराधिकारीको दाबेदार मानिएको थियो।</p>
<p>बन्द खाममा रहेको सुल्तान काबुसको इच्छापत्र बमोजिम हैयथमलाई ओमानको सुल्तान नियुक्त गरिएको हो।</p>
<p>काबुसले छाडेका बन्द खाम आज बिहान बसेको ओमानको शाही परिवार परिषद्को बैठकमा खोलिएको थियो। जसमा हैयथमको नाम लेखिएको थियो।</p>
<p><strong>पढ्नुहाेस्ः</strong></p>
<p><a href="http://https://dekhapadhi.com/news/5081" target="_blank"><strong>त्यो बन्द पत्रमा काबूसले आफ्नो उत्तराधिकारीमा कसको नाम लेखे होलान् ? </strong></a></p>
प्रतिक्रिया दिनुहोस्
.jpg)
