मनमाेहन मेमाेरियल कपः सुदूरपश्चिमद्वारा मलेसिया-११ आठ विकेटले पराजित
<p>काठमाडौं। शेर मल्ल र विनोद लामाले एक आपसमा ९ विकेट बाँडेपछि सुदूरपश्चिम प्रदेशले आज मनमोहन मेमोरियल राष्ट्रिय एकदिवसीय क्रिकेट प्रतियोगितामा मलेसियाबाट आएको क्रिकेट टोलीलाई आठ विकेटले पराजित गरेको छ।</p>
<p>आयोजकले मलेसियाको राष्ट्रिय टीम आउने भने पनि मलेसिया सेलेक्सन-११ को नाममा खेलेको मलेसियन टोलीले २२ ओभरमा ४९ रन जोड्दा सबै विकेट गुमायो। ५० रनको लक्ष्य सुदूरपश्चिममले ७.२ ओभरमा दुई विकेट गुमाएर पूरा गर्‍यो।</p>
<p>शेर मल्लले १० ओभरमा तीन मेडनसहित ११ रन दिएर पाँच विकेट लिए भने बिनोदले ९ ओभरमा तीन मेडन राख्दै २१ रन दिएर चार विकेट लिए।</p>
<p>मलेसिया–११ ले २६ रन जोड्दा आठ विकेट गुमाइसकेको थियो। मलेसियाका वीरन्दीप सिंहले २२ रन जोड्नुबाहेक अन्यले दोहोरो अंकमा रन बनाउन सकेनन्। मलेसिया–११ का चार खेलाडीले रनको खाता खोल्न सकेनन्।</p>
<p>५० रनको लक्ष्य पछ्याउने क्रममा सुदूरपश्चिमका खडक बोहरा र लोकेश बम समान १५ रनमा अविजित रहे। गजेन्द्र बोहरा ११ तथा अरुण ऐरी ६ रनमा आउट भए।</p>
प्रतिक्रिया दिनुहोस्
.jpg)
