दिलिप हत्या प्रकरण: क्रसर उद्योग व्यवसायी विपिन महतो पक्राउ
<p>काठमाडौं। धनुषाका दिलिपकुमार महतोको हत्या भएको भोलीपल्ट आज विहान चुरियामाई बालुवा प्रशोधन उद्योगका सञ्चालक विपिन महतोलाई प्रहरीले पक्राउ गरेको छ। </p>
<p>मिल्स एरियास्थित महतोको ससुराली घरबाट उनलाई पक्राउ गरिएको धनुषाका प्रहरी प्रमुख रमेश बस्नेतले <em>देखापढी</em>लाई बताए । </p>
<p>अवैध उत्खनन् मार्फत नदीजन्य वस्तु तस्करीको विरोध गर्दै आएका दिलिप महतोको हत्या भएको भन्दै उनका परिवारले दिएको उजुरीका आधारमा अनुसन्धान गर्न महतोलाई पक्राउ गरिएको बस्नेतले बताए । </p>
<p>दिलिपका परिवारले क्रसर व्यवासायी महतोले दिलिपलाई धम्की दिएको बताउँदै आएका छन् । एसपी बस्नेतले भोली आइतबार अनुसन्धानका लागि अदालतबाट म्याद थप गर्ने बताए । “अब परिवारबाट जाहेरी लिएर अनुसन्धान अघि बढाउँछौं,” उनले भने । </p>
<p>दिलिपलाई मर्निङ वाकमा निस्केकाबेला २५ पुस बिहान ना ७ ख ६४१३ नम्बरको टिपरले किचेर हत्या गरिएको थियो । </p>
प्रतिक्रिया दिनुहोस्
.jpg)
