दीपेन्द्रसिंह इपीएलको नयाँ सिजनमा काठमाडौं किंग्सबाट खेल्ने
<p>काठमाडौं। गत सिजन चितवन टाइगर्सबाट खेलेका दीपेन्द्रसिंह ऐरीले एभरेष्ट प्रिमियर लिग(इपीएल)को नयाँ सिजन काठमाडौं किंग्सबाट खेल्ने भएका छन्।</p>
<p>१७ पुसबाट खुलेको खेलाडी सरूवा बजारमा दीपेन्द्रसिंहलाई काठमाडौंले अनुबन्ध गरेको छ। काठमाडौंका कप्तान सोमपाल कामी भने चितवन टाइगर्स पुगेका छन्। दुवै क्लबले कति रककमा खेलाडी अनुबन्ध गरेको भनेर खुलाएका छैनन्।</p>
<p>इपीएलले यस सिजन ‘ए’ श्रेणीमा १८ खेलाडीलाई वर्गीकरण गरेको थियो। खेलाडी र क्लबको आपसी सहमतिमा ‘ए’ श्रेणीका खेलाडी किनबेच गर्न पाउने प्रावधान राखेको थियो। यसरी खेलाडी किनबेच गर्दा ६० प्रतिशत रकम खेलाडी र ४० प्रतिशत रकम टीमलाई बुझाउनु पर्ने प्रावधान इपीएलले राखेको थियो।</p>
<p>काठमाडौंले नरेश बुढायरको स्थानमा सुवास खकुरेल र सुशील कँडेलको स्थानमा आकाश चन्दलाई टोलीमा अनुबन्ध गरेको छ। त्यस्तै पोखरा राइनोजले शक्ति गौचनको स्थानमा लोकेश बमलाई अनुबन्ध गरेको छ।</p>
<p>इपीएलले खेलाडी उपलब्ध नभएको अवस्थामा र सन्यास लिएको अवस्थमा मात्र उसको ठाउँमा अर्को खेलाडी राख्न पाउने प्रावधान राखेको थियो। ‘ए’ श्रेणी बाहेकका अन्य खेलाडी हेरफेर गर्नका लागि इपीएलले २६ पुसदेखि ९ माघसम्मका लागि समयसीमा तोकेको छ।</p>
प्रतिक्रिया दिनुहोस्
.jpg)
