घोडचढीको उपाधि योग, रुद्र र खीलध्वजलाई
<p>काठमाडौं। राष्ट्रिय घोडचढी प्रतियोगिताको छैटौं संस्करणमा योगबहादुर बस्नेत, रुद्रबहादुर कार्की र खीलध्वज खड्काले तीन फरक विधाको उपाधि जिते।</p>
<p>टुँडिखेलमा भएको प्रतियोगितामा सहभागीले टेन पेकिङ, शोजम्प र हाइजम्प गरी तीन स्पर्धामा प्रतिस्पर्धा गरेका थिए। जसमध्ये हाइजम्पतर्फ खीलध्वज खड्का (गणेश) पहिलो भए। रामबहादुर दाहाल (सम्मोहन) दोस्रो हुँदा सविनकुमार पाखेरेल (आकांक्षा)तेस्रो भए।</p>
<p>शोजम्पतर्फ योगबहादुर बस्नेत (देवकी) पहिलो भए। लालबहादुर कुँवर (लमजुङ) दोस्रो भए भने रामबहादुर दाहाल (सम्मोहन) तेस्रो भए।</p>
<p>प्रतियोगिताको अर्को स्पर्धा टेन पेकिङमा रुद्रबहादुर कार्की पहिलो भए। गोविन्दबहादुर खड्का दोस्रो भए भने लक्ष्मण रावलले तेस्रो स्थान हात पारे।</p>
<p>यस प्रतियोगितामा २६ राइडरको सहभागिता थियो। सबै विधाको विजेताले जनही २० हजार, दोस्रो हुनेले १५ हजार तथा तेस्रो हुनेले १० हजार रूपैयाँ पुरस्कार जिते।</p>
<p>प्रदर्शन खेलमा महिला राइडरहरूलाई प्रोत्साहनबापत् जनही पाँच हजार प्रदान गरिएको थियो। पुरस्कृत हुनेमा हरिमाया गुरुङ, शारदा केएम, कविता थापा र सरिता श्रेष्ठ थिए।</p>
<p> </p>
प्रतिक्रिया दिनुहोस्
.jpg)
