भोजपुरमा सौतेनी आमासँग शारीरिक सम्बन्धको रहस्य खुलेपछि वृद्ध बाबुको हत्या
<p>भोजपुर। भोजपुरमा सौतेनी आमासँग शारीरिक सम्बन्धको रहस्य खुलेपछि आमा र छोरा मिलेर वृद्ध बाबुको हत्या गरिएको घटना सार्वजनिक भएको छ।</p>
<p>भोजपुर नगरपालिका–११, आम्तेकका ८८ वर्षीय दलबहादुर राईको उनकै कान्छी श्रीमती ५६ वर्षीया कर्णशोभा राई र छोरा ६५ वर्षीय हरिबहादुर राईले हत्या गरेको जिल्ला प्रहरी कार्यालय, भोजपुरका प्रहरी प्रमुख डीएसपी नरबहादुर सलामी मगरले जानकारी दिए।</p>
<p>२५ असोजमा ससुरालीमा दशैंको टीका लगाएर फर्कंदै गर्दा बाटोमा छोरा हरिबहादुरले कान्छी आमासँग मिलेर बाबुको घाँटी थिची हत्या गरेको प्रहरीले जनाएको छ।</p>
<p>हरिबहादुरको सौतेनी आमासँगको शारीरिक सम्बन्ध थाहा पाएपछि वृद्ध बाबुको हत्या भएको प्रहरी अनुसन्धानबाट देखिएको अनुसन्धान अधिकृत प्रहरी निरीक्षक पाण्डवकुमार राजवंशीले बताए।</p>
<p>बेपत्ता भनिएका दलबहादुरको शव १ मंसीरमा आम्तेककै अड्डेडाँडा छेउको खोलामा सडेको अवस्था फेला परेको थियो।</p>
<p>प्रहरीका अनुसार आराेपी दुवैले छिमेकी नारायण विश्वकर्मा र सन्तोष विश्वकर्मालाई पाँच हजार रूपैयाँ दिएर डोकोमा शव फ्याँक्न पठाएका थिए। हत्या आराेपी आमा–छोरा तथा शव फ्याँक्न सहयोग गर्ने नारायण र सन्ताेष पक्राउ परेका छन्। </p>
<p>जिल्ला प्रहरी कार्यालयमा आज पत्रकार सम्मेलन गरेर प्रहरीले घटना सार्वजनिक गरेको हो।</p>
प्रतिक्रिया दिनुहोस्
.jpg)
