धनुषामा अवैध उत्खननको विरोध गर्ने युवा टिपरको ठक्करबाट मारिए
<p><br />
धनुषा। धनुषामा अवैध उत्खननको विरोध गर्दै आएका एक युवकको टिपरको ठक्करबाट मृत्यु भएको छ।</p>
<p>मिथिला नगरपालिका-५ श्रीपुर घर भएका २४ वर्षीय ओमप्रकाश भनिने दिलिपकुमार महतोको ना. ७ ख ६४१३ नम्बरको टिपरले ठक्कर दिएपछि मृत्यु भएको इलाका प्रहरी कार्यालय, ढल्केबरका इन्सपेक्टर रामकुमार यादवले <em>देखापढी</em>लाई बताए।</p>
<p>"टिपरले सुनियोजित ढंगले हत्या गरेको प्रारम्भिक रुपमा देखिएको छ, हामी थप अनुसन्धान गर्दैछौं", इन्सपेक्टर यादवले भने, "राजमार्गमा आन्दोलन भइरहेको छ। नियन्त्रणको प्रयासमा छौं।"</p>
<p><img alt="" height="540" src="https://www.dekhapadhi.com/storage/photos/shares/Crime/dhanusa pradarsan.jpg" width="960" /></p>
<p>'टिपरले किचेर हत्या' गरेको भन्दै आक्रोशित स्थानीयवासीले पूर्वपश्‍चिम राजमार्ग अवरुद्ध गरेका छन्। उनीहरुले ढल्केबर र मिथिला नगरक्षेत्रमा नाराबाजी तथा प्रदर्शन गरिरहेका छन्।</p>
<p>साथीसँग मर्निङवाक गएको समयमा टिपरले महतोको हत्या गरेको भन्दै उनीहरुले राजमार्ग अबरुद्ध गरेका छन्।</p>
<p>महतोले आफ्नो घर नजिकैको औरही खोलामा भइरहेको गिट्टीबालुवा उत्खननको केहि समयदेखि विरोध गर्दै आएको प्रहरीले बताएको छ।</p>
<p>प्रहरीले टिपर र चालकलाई नियन्त्रणमा लिएको छ।</p>
<p> </p>
<p> </p>
प्रतिक्रिया दिनुहोस्
.jpg)
