सुदूरपश्चिमको सामाजिक विकास मन्त्रालयले भन्यो– ‘एम्बुलेन्स खरीदमा अनियमितता छैन’
<p>कैलाली। सुदूरपश्चिम प्रदेशको सामाजिक विकास मन्त्रालयले एम्बुलेन्स खरीदमा अनियमितता नभएको बताएको छ।</p>
<p>टाटा कम्पनीका मिनी ट्रकलाई एम्बुलेन्स बनाएर तीन करोड बढी रूपैयाँ भ्रष्टाचार गरेको, कमसल र पुराना गाडीहरूलाई एम्बुलेन्स बनाएर स्वास्थ्य संस्थालाई बाँडेको आरोप लागेपछि मन्त्रालयले आज विज्ञप्ति जारी गर्दै समाचारमा भनिएजस्तो भ्रष्टाचार नभएको र राम्रा एम्बुलेन्स बाँडेको दाबी गरेको हो।</p>
<p>आज बिहान मुख्यमन्त्री त्रिलोचन भट्टले आफ्नै निवासमा सामाजिक विकास मन्त्री कृष्णराज सुवेदीलाई बोलाएर एम्बुलेन्स प्रकरणका बारेमा सत्यतथ्य कुरा बाहिर ल्याउन निर्देशन दिएपछि सामाजिक विकास मन्त्रालयले विज्ञप्ति जारी गरेको हो।</p>
<p>सार्वजनिक खरीद ऐन नियमावली बमोजिम सबभन्दा कम रकम कबुल गर्ने टाटा मोटर्स लिमिटेडबाट एम्बुलेन्स खरीद गरिएको मन्त्रालयले जनाएको छ। मन्त्रालयद्वारा जारी गरिएको विज्ञप्तिमा बाँडिएका एम्बुलेन्स २०१४ को ४०७/०३१–४ २१२१ मोडेलको नभई २०१९ मा बनेको एसएफसी ४०७/३१ ४*४ बीएस४ मोडेलका वातानुकूलित एम्बुलेन्सहरू रहेको दाबी गरिएको छ। </p>
<p>सामाजिक विकास मन्त्रालयका निमित्त सचिव झंकरबहादुर बिष्टद्वारा हस्ताक्षरित विज्ञप्तिमा गाडीको मूल्य १९ लाख ४५ हजार भारतीय रूपैयाँ (३१ लाख १२ हजार नेपाली रूपैयाँ) र उपकरण जडानमा सात लाख १५ हजार रूपैयाँ समेत गरी प्रतिगाडी खरीदमा ३९ लाख सात हजार रूपैयाँ रहेको जनाइएको छ।</p>
<p style="text-align:center"><img alt="" height="1000" src="https://www.dekhapadhi.com/storage/photos/shares/Province/sudurpaschim/supa_press_statement 1.jpg" width="773" /></p>
<p> </p>
प्रतिक्रिया दिनुहोस्
.jpg)
