डाँका मुद्दाका फरार अभियुक्त ६ वर्षपछि पक्राउ
<p>सिरहा। डाँका मुद्दामा सजाय पाएर फरार रहेका एक जनालाई प्रहरीले पक्राउ गरेको छ।</p>
<p>सिरहाको कल्याणपुर नगरपालिका-८ अरंगका ४० वर्षीय मोहम्मद मुस्तफा हुसेन मियाँलाई प्रहरीले आज पक्राउ गरेको हो।</p>
<p>मियाँलाई जिल्ला अदालत सिरहाले डाँका मुद्दामा ३० वैशाख २०७१ मा ६ वर्ष कैद र १ लाख ८० हजार रूपैयाँ जरिवानाको फैसला सुनाएको थियो।</p>
<p>अदालतले सजाय र जरिवानाको आदेश गरेको थाहा पाएपछि उनी फरार भएका थिए।</p>
<p>आफ्नै घरमा लुकेर बस्दै आएका मियाँलाई प्रहरीले फैसलाको करीब ६ वर्षपछि पक्राउ गरेको हो। </p>
<p>पक्राउ गरिएका मियाँलाई जिल्ला अदालत सिरहामा बुझाएर फैसला कार्यान्वयनको क्रममा कारागार पठाइएको जिल्ला प्रहरी कार्यालय सिरहाले जनाएको छ।</p>
प्रतिक्रिया दिनुहोस्
.jpg)
