इटहरीमा नेपालकै पहिलो स्मार्टपार्किङ्ग
<p>इटहरी। नेपालमै पहिलो पटक इटहरीमा स्मार्ट पार्किङ्ग निर्माणको प्रक्रिया शुरु भएको छ।</p>
<p>साढे चार महीनासम्ममा स्मार्ट पार्किङ्ग संचालनमा आउने इटहरी उपमहानगरका इन्जिनियर जीवन घिमिरेले बताए।</p>
<p>इटहरी- ४ टयाङग्रा खोला उत्तरपूर्वको दुई कठ्ठा जग्गामा छ तलाको स्मार्ट पार्किङ्ग बन्‍ने भएको हो।</p>
<p>त्यहाँ एक सय वटा हल्का सवारी साधन पार्क गर्न सकिने छ।</p>
<p>संघीय सरकारले समपूरक योजनाअन्तर्गत पाँच करोड २० लाख रकम विनियोजित भइसकेको छ।</p>
<p>करीब १० करोड लागतमा स्मार्ट पार्किङ्ग निर्माण हुनेछ।</p>
<p>सवारीधनीले त्यहाँ पार्क गराउन ल्याएपछि सफ्टवेयरले नै एक क्लिकमा एक मिनेटमै खाली भएको ठाँउमा पठाउने छ।</p>
<p>पछि एक मिनेटमानै पहिला भएको ठाँउमा ल्याइदिने छ।</p>
<p>यो सिस्टम सवै अटोमेटिक हुनेछ। गाडी धुने स्मार्ट वास र कफिसपको सुविधा पनि स्मार्ट पार्किङ्गस्थलमा रहने उपमहानगरपालिकाले जनाएको छ।</p>
प्रतिक्रिया दिनुहोस्
.jpg)
