.jpg)
प्रदेश २: पाँच वर्षमा प्रतिव्यक्ति आय एक हजार डलर
<p>धनुषा। प्रदेश २ सरकारले ११ प्रतिशत आर्थिक वृद्धिदर हासिल गर्ने लक्ष्यसहितको पहिलो पञ्चवर्षीय आवधिक योजनाको आधारपत्र आज सार्वजनिक गरेको छ।</p>
<p>मुख्यमन्त्री लालबाबु राउतले पहिलो पञ्चवर्षीय आवधिक योजना सार्वजनिक गर्दै नीति तथा कार्यक्रममा समेटिएको योजनाहरूलाई टेकेर अगाडि बढ्ने बताए। आवधिक योजनाको आधारपत्रलाई टेकेर आगामी योजनाहरू तयार गरी कार्यान्वयनमा जाने मुख्यमन्त्री राउतले बताए।</p>
<p>प्रदेश नीति आयोगका अध्यक्ष समेत रहेका मुख्यमन्त्री राउतले आगामी आर्थिक वर्षको नीति तथा कार्यक्रममा आवधिक योजनाको आधारपत्रकै आधारमा योजनाहरू समावेश गर्ने बताए।</p>
<p>नीति आयोगका उपाध्यक्ष डा. भोगेन्द्र झाले आगामी पाँच वर्षमा प्रादेशिक आर्थिक वृद्धिदर ११ प्रतिशत पुर्‍याउने लक्ष्य लिएको बताए।</p>
<p>प्रदेश २ को आर्थिक वृद्धिदर ६.५३ प्रतिशत रहेको र अगामी पाँच वर्षमा ११ प्रतिशत पुर्‍याउने लक्ष्य राखिएको उपाध्यक्ष डा. झाले बताए। प्रदेश २ को २७.७ प्रतिशत रहेको गरिबी दर घटाएर २१ प्रतिशतमा झार्ने लक्ष्य पनि प्रदेश सरकारले लिएको उनले बताए।</p>
<p>प्रदेशको कूल ग्राहस्थ उत्पादन ४८८ अर्बबाट ६०० अर्ब पुर्‍याउने लक्ष्य लिएको उपाध्यक्ष डा. झाले बताए। अगामी पाँच वर्षमा प्रदेशको प्रतिव्यक्ति आय एक हजार अमेरिकी डलर पुर्‍याउने लक्ष्य राखिएको छ।</p>
प्रतिक्रिया दिनुहोस्
.jpg)
