सडक अनुशासन सिकाउन 'ट्राफिक उज्यालो अभियान'
<p>काठमाडौं। उपत्यकाको ट्राफिक व्यवस्थानलाई सहज बनाउँदै दुर्घटना न्यूनीकरण गर्न ट्राफिक प्रहरी सचेतना जगाउँदै खटिएका छन्।</p>
<p>महानगरीय ट्राफिक प्रहरी महाशाखाले शुरु गरेको तीन महिने 'ट्राफिक उज्यालो अभियान' अन्तर्गत उनीहरु जनचेताको काममा जुटेका हुन्।</p>
<p>'ट्राफिक उज्यालो अभियान' कार्यक्रम सवारी चालक र सहचालक, पैदलयात्री, विद्यार्थीलाई लक्षित गरी सञ्चालन भइरहेको छ।</p>
<p>यस अभियानमा अधिकृतसहित १३० जना ट्राफिक प्रहरी परिचालन गरिएको महाशाखाले जनाएको छ ।</p>
<p>ट्राफिक सचेतना अवधारणालाई सर्वसाधारणसम्म पुर्‍याउने र सडक अनुशासनको विषयलाई संस्कारका रुपमा विकास गर्न अभियानले सहयोग पुर्‍याउने ट्राफिक अधिकारीहरुले बताएका छन्।</p>
प्रतिक्रिया दिनुहोस्
.jpg)
