जीतपुरसिमरा उपमहानगरपालिकामा २ करोड ७४ हजार बेरुजु
<p>बारा। महालेखा परीक्षकको कार्यालयले बाराको जीतपुरसिमरा उपमहानगरपालिकामा दुई करोड ७४ हजार बेरुजु देखिएपछि चासो बढाएको छ।</p>
<p>महालेखाले २०७५/७६ को लेखा परीक्षणमा हिसाब मिलान गर्न पुनः पत्राचार गरेको जीतपुरसिमरा उपमहानगरपालिकाका प्रमुख प्रशासकीय अधिकृत शिवराज सेढाईंले बताए।</p>
<p>महालेखाको टोलीसमक्ष समपरीक्षण गर्न अनुरोध गरिएको उनले बताए। </p>
<p>महालेखाको प्रतिवेदनअनुसार सबैभन्दा बढी पदाधिकारीको तलबभत्तामा १८ लाख बेरुजु देखिएको छ।</p>
<p>आफैँले कानून र कार्यविधि निर्माण गरी लिएको सेवा-सुविधा फिर्ता गरेका छैनन्।</p>
<p>महालेखाले सेवा सुविधा फिर्ता गर्न पत्राचार गरेको छ।</p>
<p>यसैगरी विद्यालयका नाममा समेत नौ लाख ७४ हजार ९६८ बेरुजु छ। विद्यालयलाई समेत बेरुजु फछ्यौट गर्न पत्राचार गरे पनि विद्यालयले सो रकमको फरफारक गरेका छैनन् ।</p>
<p>जीतपुरसिमरा उपमहानगरपालिकाकी उपप्रमुख सरस्वती चौधरीले शिक्षिकाबाट राजिनामा दिएपश्चात पर्व खर्च भन्दै लिएको २२ हजार १७० रुपैयाँ फिर्ता गरेकी छैनन्। <em>रासस</em></p>
प्रतिक्रिया दिनुहोस्
.jpg)
