प्रिन्स दाहाल विश्व ब्याडमिन्टनको वरीयतामा जुनियरतर्फ १४औं स्थानमा उक्लिए
<p>काठमाडौं। नेपाली ब्याडमिन्टनका युवा खेलाडी प्रिन्स दाहाल विश्व वरीयताको जुनियरतर्फ १४औं स्थानमा उक्लिएका छन्। </p>
<p>विश्व ब्याडमिन्टन महासंघले यु–१९ र सिनियर गरी दुई वटा वरीयता निकाल्छ। विश्व ब्याडमिन्टन महासंघले आज सार्वजनिक गरेको जुयिनरतर्फको वरीयतामा प्रिन्सले ठूलो फड्को मारेका हुन्। </p>
<p>यो नेपाली खेलाडीले अहिलेसम्म हासिल गरेको सबभन्दा उच्च वरीयता हो।</p>
<p>प्रिन्स यसअघि ३२औं स्थानमा थिए। प्रिन्सले दुबईमा जुनियर इन्टरनेशनल सिरिज जितेका थिए। उनले भारतका वरुण कपुरलाई पराजित गरेका थिए। वरुण चौथो स्थानमा छन्।</p>
<p>फ्रान्सका क्रिष्टो पोपोभ शीर्ष स्थानमा छन् भने चीनका लिउ लियाङ दोस्रो स्थानमा छन्। भारतकै मेइरवा लुवाङ तेस्रो स्थानमा छन्। शीर्ष दशमा भारतका तीन खेलाडी समावेश छन्।</p>
प्रतिक्रिया दिनुहोस्
.jpg)
