देशभरका संरक्षित क्षेत्रमा चरा गणना शुरू
<p>नवलपुर। देशका सबै राष्ट्रिय निकुञ्ज, संरक्षित क्षेत्र र आरक्षमा चरा गणना शुरू भएको छ।</p>
<p>१९ पसुसदेखि हुने भनिएको चरा गणना मौसमका कारण दुई दिनपछि शुरू भएको हो।</p>
<p>बर्ड एजुकेशन सोसाइटी चितवनका पूर्वअध्यक्ष वासु बिडारीका अनुसार चितवन राष्ट्रिय निकुञ्जको सिमसार क्षेत्रलगायत देशभरका राष्ट्रिय निकुञ्ज, संरक्षित क्षेत्र र आरक्षमा चरा गणना एकसाथ शुरू भएको छ।</p>
<p>हरेक वर्ष ४ जनवरीदेखि १९ जनवरीसम्म चरा गणना गरिन्छ। यस पटक ६५ ठाउँमा गणना गरिनेछ।<br />
<br />
चितवनमा नारायणी नदी किनार र निकुञ्ज तथा राप्ती किनारमा फरक फरक टोलीले जलचरा गणना गर्ने बिडारीले बताए।</p>
<p>सोसाइटीको पूर्वअध्यक्ष टिका गिरीले यसपटक दिव्यनगर र माडीको रिउखोलामा रहेका जलचराको पनि गणना गरिने जानकारी दिए।</p>
<p>गणनामा क्यामेरा, बाइनोकुलर र टेलिस्कोपको प्रयोग गरिने छ।</p>
<p>अघिल्लो वर्षको चरा गणनामा चितवन निकुञ्ज र आसपासका क्षेत्रमा १५० प्रजातिका जलचरा भेटिएको थियो।</p>
<p><img alt="" height="640" src="https://www.dekhapadhi.com/storage/photos/shares/Environment/BirdsCount1.jpg" width="960" /><br />
<br />
चितवनमा सोसाइटी, राष्ट्रिय निकुञ्ज तथा चराविद्हरूको टोलीले चरा गणना गरिरहेको छ।</p>
<p>चरासँग सम्बन्धित व्यक्तिका साथै संरक्षणकर्मी र गणक गरी २२ जनाको टोली चरा गणनामा सहभागी छन्। <em>रासस</em></p>
प्रतिक्रिया दिनुहोस्
.jpg)
