पक्राउ परेका १२२ चिनियाँ लिन भोलि चार्टर्ड विमान आउने
<p>काठमाडौं‌। अन्तर्राष्ट्रिय साइबर अपराधको आरोपमा नेपालमा पक्राउ परेका १२२ चिनियाँलाई चीनले २३ पुसमा स्वदेश लैजाने भएको छ।</p>
<p>दुईवटा चार्टर्ड विमानमार्फत उनीहरूलाई चीनमा लगेर थप अनुसन्धान गर्न लागिएको हो।</p>
<p>पक्राउ परेकाहरूलाई अध्यागमन विभागले निष्कासनको प्रक्रिया अघि बढाइसकेको छ।</p>
<p>अभद्र व्यवहार मुद्दामा २० पुसमा छुटेका उनीहरुरूलाई प्रहरीले अध्यागमन विभागमा बुझाएको थियो।</p>
<p>पर्यटक भिसाको दुरुपयोग गरेर अपराध गरेकाले उनीहरूलाई जरिवाना गराई निष्कासन गरिने अध्यागमन विभागका महानिर्देशक ईश्वरराज पौडेलले बताए।</p>
<p>पक्राउ परेकामध्ये ३१ जना चिनियाँसँग मात्र राहदानी भेटिएको छ। उनीहरूकोसमेत पासपोर्ट रद्द गरी सबैको ट्राभल डकुमेन्ट काठमाडौंस्थित चिनियाँ दूतावासले जारी गरिसकेको छ।</p>
<p>ट्राभल डकुमेन्ट २१ पुसमा अध्यागमन विभागमा बुझाइसकिएको आजको नयाँ पत्रिकामा समाचार छापिएको छ।</p>
<p>दुईवटा चार्टर्ड विमान ल्याउन नागरिक उड्डयन प्राधिकरणले अनुमति दिइसकेको छ।</p>
<p>चाइना इस्टर्न र चाइना साउदर्न एयरलाइन्सको जहाज ल्याएर उनीहरूलाई लैजान लागिएको हो।</p>
प्रतिक्रिया दिनुहोस्
.jpg)
