.jpg)
.JPG)
 copy.jpg)
.JPG)
.jpg)
वाह! भेडेटार झल्काउने ‘सुन्तले डाँडा’
<p>चर्चित कवि उपेन्द्र सुब्बाको कविता छ– ‘भेडेटारको पिकनिक।’</p>
<p>पूर्वको ‘पिकनिक स्पट’को रूपमा चर्चित भेडेटारलाई कविले व्यंग्यात्मकरूपमा प्रस्तुत गरेका छन्।</p>
<p>उत्तर फर्किए जोल्ठिएर लहरै बसेका हिमाल देखिने, दक्षिण फर्किए तराईको नीलो नदी देखिने पहाडी वस्ती भेडेटारको सौन्दर्य आफैंमा अनुपम छ।</p>
<p>त्यस्तै भेडेटारको झल्को दिन्छ भोजपुरको गाउँ ‘सुन्तले’ले। अग्लो डाँडा, लेकाली क्षेत्र, हिमाललगायत वरपरका डाँडाको दृश्यले त्यहाँ पुग्ने जो कोहीलाई मन्त्रमुग्ध बनाउँछ।</p>
<p style="text-align:center"><img alt="" height="801" src="https://www.dekhapadhi.com/storage/photos/shares/Tourism/Suntale_/Bhojpur Suntale (11).jpg" width="1200" /></p>
<p>सुन्तलेबाट मकालु, कन्चनजंघा हिमालको मनमोहक सौन्दर्य तथा अन्य थुप्रै हिमशृखंला प्रष्टै देख्न सकिन्छ। यहाँबाट देखिने उदाउँदो र अस्ताउँदो सूर्यले मनमा त्यत्तिकै आनन्द मिल्छ।</p>
<p>फराकिलो नागी, हरियाली जंगल, सिजनमा फुल्ने गुराँस तथा वरपरको प्राकृतिक दृश्यहरू सुन्तलेको मुख्य आकर्षण हुन्। हिउँ खेल्न तथा रमिता हेर्न पनि यहाँ मानिसहरुको जमघट हुने गरेको छ।</p>
<p><img alt="" height="432" src="https://www.dekhapadhi.com/storage/photos/shares/Tourism/Suntale_/suntale snow fall1.jpg" width="960" /></p>
<p>मोटर बाटो पुगेसँगै पहाडमा सम्भावनाका ढोकाहरू खुल्दैछन्। भोजपुर नगरपालिका क्षेत्रमै अवस्थित सुन्तलेमा आन्तरिक र वाह्य पर्यटकको चाप दिनदिनै बढ्न थालेको छ।</p>
<p style="text-align:center"><img alt="" height="770" src="https://www.dekhapadhi.com/storage/photos/shares/Tourism/Suntale_/Bhojpur Suntale (15).JPG" width="1200" /></p>
<p>समुद्री सतहदेखि २२ सय मिटर उचाइमा पर्ने यो ठाउँ थकान र आलस्यलाई बिर्साउने थलो बन्न थालेको उद्योग वाणिज्य संघ भोजपुरका अध्यक्ष ध्रुव श्रेष्ठ बताउँछन्। </p>
<p>पर्यटकीय गन्तव्यको सूचीमा रहेको ‘मुन्दुम ट्रेल पदमार्ग’ यही ठाउँ भएर जान सकिन्छ।</p>
<p>सुन्तले र वरपरका प्राकृतिक सौन्दर्यले त्यहाँ पुग्ने जो कोहीको मन लोभ्याउँछ। त्यहाँसम्म पुग्न भोजपुर बजारबाट पैदल दुई घण्टा लाग्छ। सवारी साधनबाट आधा घण्टामै पुगिन्छ।</p>
<p>सदरमुकामबाट नजिकै भएकाले पनि छुट्टीमा घुम्न जाने तथा साथीभाइबीच रमाइलो गर्न जानेको संख्या दिनदिनै बढिरहेको स्थानीयवासी बताउँछन्। </p>
<p>वर्षैभरि चिसो हुने यहाँ लोकल कुखुराको तिते (किराती समुदायको विशेष परिकार) तोङ्बा, उसिनेको आलु, राँगाको सुकुटी, रायोको साग लगायतका खानेकुराका परिकारहरु विशेषताको रूपमा छन्।</p>
<p style="text-align:center"><img alt="" height="836" src="https://www.dekhapadhi.com/storage/photos/shares/Tourism/Suntale_/Bhojpur Suntale (1) copy.jpg" width="1200" /></p>
<p>प्रायः शनिबार तथा बिदाको दिनमा रमाइलो गर्ने, रिफ्रेस हुने र घुमघाम गर्न आउनेको चाप बढी हुने स्थानीय मचिन्द्र राई बताउँछन्।</p>
<p>नयाँ वर्ष तथा विशेष पर्वहरूमा वनभोज खान आउनेहरूको संख्या पनि बढ्दो छ। १५ सेप्टेम्बरदेखि डिसेम्बरसम्म सुन्तलेमा घुमफिर गर्ने उपयुक्त मौसम हो।</p>
<p><img alt="" height="432" src="https://www.dekhapadhi.com/storage/photos/shares/Tourism/Suntale_/suntale snow fall.jpg" width="960" /></p>
<p>भोजपुर नगरपालिकाका प्रमुख कैलाशकुमार आले सुन्तले क्षेत्रको विकासका लागि बृहत् योजना ल्याउन लागिएको बताउँछन्।</p>
<p>नगर क्षेत्रमा रहेका पर्यटकीयस्थलहरूको पहिचान गरी तिनको प्रवर्द्धन तथा विकासमा नगरपालिकाले पर्यटन रणनीति बनाइरहेको मेयर आलेले <em>देखापढी</em>लाई बताए।</p>
<p style="text-align:center"><img alt="" height="793" src="https://www.dekhapadhi.com/storage/photos/shares/Tourism/Suntale_/Bhojpur Suntale (17).JPG" width="1200" /></p>
<p> </p>
प्रतिक्रिया दिनुहोस्
.jpg)
