सिरहामा युवतीको सामूहिक बलात्कार, दुईजना पक्राउ
<p>सिरहा। सिरहाको गोलबजार नगरपालिका–६ मा २० पुस राति एक युवतीको सामूहिक बलात्कार भएको छ।</p>
<p>सिरहाकै ती युवती गोलबजारस्थित आफन्तको घर जाने क्रममा बलात्कृत भएको प्रहरीले जनाएको छ। प्रहरीका अनुसार गोलबजार पुगेकी ती युवतीको मोबाइल ‘अफ’ भएको र चार्ज गर्ने क्रममा बलात्कारको शिकार भएकी हुन्।</p>
<p>ती युवतीले गोलबजार नगरपालिका–६, स्थित मनकामना हेयर कटिङ सैलुनमा मोबाइल चार्ज गर्न दिएकी थिइन्। धनगढीमाई नगरपालिका–८, बहुवाडाँडाका सुरेशकुमार यादव र गोलबजार नगरपालिका–२ गुरुधामका सन्तोष महतोले मोबाइल चार्ज गरिदिने बहानामा आफ्नो डेरामा लगेर बलात्कार गरेको प्रहरीले जनाएको छ।</p>
<p>आरोपी यादव र महतोलाई पक्राउ गरिएको इलाका प्रहरी कार्यालय गोलबजारका प्रहरी निरीक्षक जनक पुरीले बताए। उनका अनुसार तीनैजनाको स्वास्थ्य परीक्षण गरिएको छ।</p>
<p> </p>
प्रतिक्रिया दिनुहोस्
.jpg)
