नेपाली सेनाले जितगढीमा म्याराथन गर्दै
<p>काठमाडौं। नेपाली सेनाले ‘भिक्ट्री म्याराथन एण्ड युनिटी रन’ आयोजना गर्दैछ।</p>
<p>राष्ट्रिय एकता दिवसका दिन २७ पुसमा मध्यपश्चिम पृतना हेडर्क्‍वाटर बुटवलको संयोजकत्वमा जितगढीमा सो प्रतियोगिता गर्न लागिएको हो। प्रतियोगितामा महिला/पुरुषतर्फ म्याराथन र हाफ म्याराथनमा प्रतिस्पर्धा हुनेछ।</p>
<p>म्याराथनमा प्रथम, द्वितीय र तृतीय हुनेलाई क्रमशः एक लाख, ५० हजार र २५ हजार रूपैयाँ पुरस्कार प्रदान गरिनेछ।</p>
<p>त्यस्तै हाफ म्याराथनमा प्रथम, द्वितीय र तृतीय हुनेलाई क्रमशः ५० हजार, २५ हजार र १५ हजार रूपैयाँ पुरस्कार प्रदान गरिने सेनाले जनाएको छ।</p>
<p>सेनाका अनुसार १० किलोमिटर र ५ किलोमिटरको वाकथनमा सहभागिता जनाउने विद्यार्थी, महिला तथा सर्वसाधारणका लागि प्रमाणपत्रको व्यवस्था गरिएको छ।</p>
<p> </p>
प्रतिक्रिया दिनुहोस्
.jpg)
