अञ्जन विष्ट निलम्बनपछि पहिलाेपटक मैदानमा उत्रँदै
<p>काठमाडौं। अखिल नेपाल फुटबल संघ (एन्फा)ले कारबाही गरेपछि निलम्बनमा रहेका अञ्जन विष्ट आज पहिलो पटक मैदानमा उत्रँदैछन्।</p>
<p>विश्वकप छनोटअन्तर्गत कुवेतविरूद्ध खेल्नका लागि भुटान जाने अघिल्लो रात उनीहरू नाइट क्लब गएका कारण एन्फाले अञ्जनलगायत विमल घर्तीमगर, दिनेश राजवंशी र सन्तोष तामाङलाई कुनै पनि फुटबल गतिविधिमा संलग्न हुन नपाउने गरी निलम्बन गरेको थियो।</p>
<p>एन्फाले २७ मंसीरबाट लागू हुने गरी विमल र दिनेशलाई ९० तथा अञ्जन र सन्तोषलाई ४५ दिनका लागि निलम्बन गरेको थियो। तर, खेलाडी र क्लबले अनुशासन कमिटीको निर्णयविरूद्ध अपिल गरेपछि निर्णय पुनरावलोकन गरेको थियो। अनुशासन कमिटीले ८ पुसमा नयाँ निर्णय गर्दै ३० कात्तिकबाट लागू हुने निर्णय गरेको थियो।</p>
<p>अनुशासन कमिटीको नयाँ निर्णयपछि अञ्जन र सन्तोषले लिग खेल्न पाउने भएका हुन्। त्रिभुवन आर्मीका सन्तोष तामाङले थ्री स्टार क्लबविरुद्ध खेलिसकेका छन्। उनले उक्त खेलमा गोल पनि गरेका थिए। अञ्जन भने आज मनाङबाट मछिन्द्र क्लबविरुद्ध खेल्दैछन्। </p>
<p>यो खेलको नतिजाले उपाधि होडमा पनि असर गर्नेछ। अहिले मनाङ १० अंकका साथ शीर्ष स्थानमा छ भने मछिन्द्र ९ अंकका साथ दोस्रो स्थानमा छ।</p>
<p><strong>मनाङ मर्स्याङ्दी क्लब</strong></p>
<p>कमल श्रेष्ठ(कप्तान), सुरज बुढाथोकी, फ्लोरेन्ट कोन, दीप कार्की(गोलकिपर), दयानन्द सिंह, आदित्य चौधरी, पुजन उपरकोटी, भिडाल लुइस चिसानो, फेमी जोशुवा, रञ्जन विष्ट, अञ्जन विष्ट</p>
<p><strong>मछिन्द्र क्लब</strong></p>
<p>रञ्जित धिमाल, विराज महर्जन(कप्तान), विशाल श्रेष्ठ (गोलकिपर), देवेन्द्र तामाङ, अबिषेक रिजाल, विशाल राई, रेजिन सुब्बा, सुजल श्रेष्ठ, आन्द्रेस टिचोउनकुए, पिटर सेगुन, सोमिडे ओलुवावुनमी।</p>
प्रतिक्रिया दिनुहोस्
.jpg)
